અરવલ્લીમાં તંત્રએ 20 ગામના આસ્થાના કેન્દ્ર એવા મંદિરને તોડી પાડ્યું

અરવલ્લીઃ અરવલ્લીમાં વાત્રક ડેમ નજીકના ડુંગર પર આવેલું ભે માતાનું મંદિર તોડી પાડવાની કાર્યવાહી તંત્ર દ્વારા કરવામાં આવી છે. આ મંદિર અહીં નજીકના 20 ગામોના લોકો માટે આસ્થાનું કેન્દ્ર હતું. જોકે હવે તેનું અસ્તિત્વ રહેશે નહીં. આ કારણે ગામના લોકોએ ઘણી નારાજગી દર્શાવી. હળતાળ પર બેસવાની ચીમકી પણ આપી છે પરંતુ તંત્ર હાલ કોઈનો અવાજ સાંભળવાના મુડમાં લાગતું નથી.

મંદિર તોડ્યાનો વન વિભાગ પર આરોપ
અરવલ્લીના માલપુર ખાતે મગોડીમાં એક મંદિર તંત્ર દ્વારા તોડી પાડવાની કાર્યવાહી થઈ છે. આ મંદિર માલપુર વન વિભાગ દ્વારા તોડવામાં આવ્યું હોવાનો આક્ષેપ લગાવાઈ રહ્યો છે. લગભગ આસપાસના 20 ગામો માટે આ ભે માતાનું મદિર આસ્થાના કેન્દ્ર સમાન હતું. વાત્રક ડેમ નજીકના ડુંગર પર આવેલું આ મંદિર માલપુર વન વિભાગે તોડ્યું હોવાનું લોકો કહી રહ્યા છે. મંદિર પોડી પાડવામાં આવતા ગામમાં રહેતા ભક્તોએ તુરંત વિરોધ નોંધાવ્યો હતો. સાથે જ તેમણે જિલ્લા કલેક્ટર સમક્ષ ભુખ હડતાળ પર બેસવાની ચીમકી ઉચ્ચારી છે.

(વીથ ઈનપુટઃ હિતેશ સુતરિયા, અરવલ્લી)