તમામ પોલીસ મથકોમાં 29 માર્ચ સુધી CCTV કેમેરા સુનિશ્ચિત કરોઃ સુપ્રીમ કોર્ટ

સંજય શર્મા.નવી દિલ્હીઃ સુપ્રીમ કોર્ટે કેન્દ્ર, કેન્દ્રશાસિત પ્રદેશો અને રાજ્ય સરકારોને પોલીસ સ્ટેશનોમાં સીસીટીવી કેમેરાની સ્થાપના ફરજિયાત કરવાના 2020ના આદેશનું પાલન સુનિશ્ચિત કરવા ચેતવણી આપી છે. કોર્ટે કેન્દ્ર, રાજ્ય અને કેન્દ્ર શાસિત પ્રદેશ સરકારોને આ આદેશના પાલન અંગે 29 માર્ચ સુધીમાં સ્ટેટસ રિપોર્ટ દાખલ કરવાનો આદેશ આપ્યો છે. સુપ્રીમ કોર્ટમાં આ આદેશ આ જ કેસમાં એમિકસ ક્યુરી બનાવવામાં આવેલા વરિષ્ઠ વકીલ સિદ્ધાર્થ દવેના અહેવાલ પર આવ્યો છે, જેમાં કહેવામાં આવ્યું છે કે હવે પણ દેશભરના મોટાભાગના પોલીસ સ્ટેશનો અને કેન્દ્રીય તપાસ એજન્સીઓના કાર્યાલયોમાં યોગ્ય સીસીટીવી કેમેરા હોય. જે કેમેરા લગાવવામાં આવ્યા છે તે કામ કરતા નથી અથવા તો ખૂબ જ નબળી ગુણવત્તાના છે. અસ્પષ્ટ દ્રશ્યો પણ ઘણામાં આવી રહ્યા છે, ઉપરાંત ઓડિયો રેકોર્ડિંગ નથી.

મોરબી જેવી બેદરકારી અમદાવાદના આ બ્રિજ સાથે પણ, સર્ટીમાં ગેરંટી કે જુમલો?

આરોપીઓ સાથે મનસ્વી વર્તન થાય છે પણ પુરાવા નથીઃ સિદ્ધાર્થ દવે
ડિસેમ્બર 2020 માં, સુપ્રીમ કોર્ટમાં જસ્ટિસ રોયટન ફલી નરીમનની અધ્યક્ષતાવાળી બેંચે તમામ પોલીસ સ્ટેશનો અને કેન્દ્રીય તપાસ એજન્સીઓ જેવી કે CBI, ED, NIA વગેરેને તેમની ઓફિસો CCTV હેઠળ રાખવાનો આદેશ આપ્યો હતો. ખાસ કરીને તેમને જેમને ધરપકડ કરવાનો અધિકાર મળ્યો છે. હવે આ મુદ્દો જસ્ટિસ ભૂષણ આર. ગવઈ, જસ્ટિસ વિક્રમ નાથ અને જસ્ટિસ સંજય કરોલની બેન્ચ સમક્ષ આવ્યો કે હજુ સુધી આ આદેશનું સંપૂર્ણ પાલન સુનિશ્ચિત કરવામાં આવ્યું નથી. એમિકસ ક્યુરી વરિષ્ઠ વકીલ સિદ્ધાર્થ દવેએ કોર્ટને જણાવ્યું હતું કે, મોટા ભાગના પોલીસ સ્ટેશનો અને પોલીસ કચેરીઓ હજુ પણ સીસીટીવી કેમેરા વિના કાર્યરત છે. અંડરટ્રાયલ અને કસ્ટડીમાં રહેલા આરોપીઓ સાથે મનસ્વી વર્તન કરવામાં આવે છે પરંતુ તેના માટે કોઈ પુરાવા નથી.

પોલીસ પર હુમલો, ગૃહમંત્રીને ધમકી, ખાલિસ્તાનની માગ… વાંચો અમૃતસરમાં કેમ ઉઠ્યું વિરોધનું ‘વંટોળ’

આગામી સુનાવણી 18 એપ્રિલે
કોર્ટે આ મામલાની આગામી સુનાવણી 18 એપ્રિલના રોજ નિયત કરી છે. પરંતુ આ દરમિયાન, કોર્ટે કેન્દ્રીય ગૃહ સચિવને આદેશ આપ્યો છે કે તેઓ તમામ રાજ્યો અને કેન્દ્ર શાસિત પ્રદેશોના મુખ્ય સચિવો અને ગૃહ સચિવો પર આ આદેશ અને તેના પાલન અને ફાઇલિંગ રિપોર્ટ્સ પર નજર રાખે. કોર્ટે 2020માં જ પોતાના આદેશમાં કહ્યું હતું કે પોલીસ સ્ટેશનોના એન્ટ્રી અને એક્ઝિટ ગેટ, તપાસ એજન્સીઓની ઓફિસ, પોલીસ સ્ટેશનના મુખ્ય દરવાજાની બહાર, કોરિડોર, વરંડા, રિસેપ્શન રૂમ, લોક-અપ, પોલીસ અધિકારીઓના રૂમ, આઉટહાઉસ. શૌચાલયના બહાર અને પોલીસ સ્ટેશનના પાછળના ભાગમાં કે ઓફિસના પરિસરમાં સીસીટીવી કેમેરાની સંપૂર્ણ સિસ્ટમ 24 કલાક 365 દિવસ નાઇટ વિઝન સિસ્ટમ અને ઓડિયો વીડિયો રેકોર્ડિંગ સાથે કાર્યરત રહેવી જોઈએ, જેથી કસ્ટડીમાં પૂછપરછના નામે અટકાયતીને ત્રાસ આપવામાં આવે છે તેને અટકાવી શકાય. ઉપરાંત, અદાલતો ત્રાસના આરોપો પર સીસીટીવી ફૂટેજ મંગાવીને આરોપોની સત્યતા અંગે પૂછપરછ કરી શકે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…