સોશિયલ પ્રોગ્રેસ ઇન્ડેક્સમાં ગુજરાત 22માં ક્રમે, પુડુચેરી-લક્ષદ્વીપ-ગોવા સૌથી શ્રેષ્ઠ રાજ્ય

નવી દિલ્હી : કેન્દ્ર સરકારે મંગળવારે સામાજિક પ્રગતિ સૂચકાંક (સોશિયલ પ્રોગ્રેસ ઇન્ડેક્સ) બહાર પાડ્યો. આ અનુસાર પુડુચેરી, લક્ષદ્વીપ અને ગોવા શ્રેષ્ઠ રાજ્યો છે. જ્યારે આઇઝોલ (મિઝોરમ), સોલન (હિમાચલ) અને શિમલા શ્રેષ્ઠ જિલ્લાઓમાં સમાવિષ્ટ થયા હતા. વડાપ્રધાનના આર્થિક સલાહકાર પરિષદે ઇન્સ્ટીટ્યૂટ ફોર કોમ્પિટિટિવનેસ એન્ડ સોશિયલ પ્રોગ્રેસ ઇમ્પેરેટિવના સહયોગથી આ આંકડાઓ બહાર પાડ્યા હતા. સોશિયલ પ્રોગ્રેસ ઇન્ડેક્સમાં ગુજરાત 22 માં ક્રમે રહ્યું હતું. રાજ્યનો SPI 53.81 છે.

12 માપદંડોના આધારે ઇન્ડેક્સ નક્કી કરવામાં આવે છે
અત્રે ઉલ્લેખનીય છે કે, રાજ્યો અને જિલ્લાઓની આ સ્થિતિનો ચિતાર મેળવવા માટે 12 જેટલા માપદંડો લાગુ કરવામાં આવે છે. જેમાં મુળભુત જરૂરિયાતો શક્યતાઓનો ખાસ ખ્યાલ રાખવામાં આવે છે. આ ઉપરાંત પોષણ, મુળભુત આરોગ્ય સેવા, પાણી, સ્વચ્છતા, સુરક્ષા, રહેવાની સ્થિતિ, પર્યાવરણીય પરિસ્થિતિઓ અને આધુનિક શિક્ષણ સહિતના માપદંડો પર ધ્યાન આપવામાં આવે છે.

દેશને કુલ 6 ભાગમાં વહેંચવામાં આવ્યા હતા
આ ઇન્ડેક્સ માટે દેશના તમામ રાજ્યો અને જિલ્લાઓને 6 સ્તરોમાં વહેંચાયા હતા. સામાજિક પ્રગતિ સૂચકાંકમાં પુડુચેરીનો સ્કોર 65.99 હતો. જ્યારે બિહાર અને ઝારખંડ સૌથી નીચે રહ્યો હતો. EAC-PM ના અધ્યક્ષ વિવેક દેવરોયે આ અહેવાલ જાહેર કર્યો હતો. સત્તાવાર નિવેદન અનુસાર લાંબા ગાળે ટકાઉ આર્થિક વૃદ્ધી માટે સામાજિક પ્રગતી પણ હોવી જરૂરી છે. ઇન્ડેક્સ આર્થિક વૃદ્ધિ અને વિકાસના પરંપરાગત માળખાને પુરક બનાવે છે. દેશને જે સ્તરોમાં વિભાજીત કરવામાં આવ્યા છે તે ખુબ જ ઉચ્ચ સામાજિક પ્રગતિ (પોંડીચેરી અને કેરળ), ઉચ્ચ સામાજિક પ્રગતિ (જમ્મુ અને કાશ્મીર, આંદમાન અને નિકોબાર ટાપુઓ), ઉચ્ચ મધ્યમ સામાજિક પ્રગતિ (ઉતરાખંડ અને મણિપુર), નિમ્ન મધ્યમ સામાજિક પ્રગતિ (હરિયાણા-રાજસ્થાન), કાયદો સામાજિક પ્રગતિ (ઉત્તરપ્રદેશથી મધ્ય પ્રદેશ) વેરી લો સોશિયલ પ્રોગ્રેસ (આસામથી ઝારખંડ)નો સમાવેશ કરવામાં આવ્યો હતો.