Gujarat Rain: ભારે વરસાદને કારણે રદ થઈ આ 10 ટ્રેન, જાણો તમામ અપડેટ્સ

ભાર્ગવી જોશી.જૂનાગઢઃ સૌરાષ્ટ્રમાં ભારે વરસાદને કારણે ભાવનગર ડિવિઝનની કેટલીક ટ્રેનોને 20મી જુલાઈએ અસર થઈ છે. ગુજરાતમાં ભારે વરસાદ વરસ્યો છે ત્યારે ખાસ કરીને સૌરાષ્ટ્રના કેટલાક વિસ્તારોમાં તો જળબંબાકારની સ્થિતિ જોવા મળી રહી છે. ખાસ કરીને માળિયા, વેરાવળ, મણાવદર સહિત ઘણા વિસ્તારો પાણી પાણી થઈ ગયા છે.

ટ્રેનના મુસાફરોની સુરક્ષાને ધ્યાને લઈ કામગીરી
19મી જુલાઈ, 2023ના રોજ, સૌરાષ્ટ્રના કેટલાક વિસ્તારો જેવા કે માંગરોળ (જૂનાગઢ)માં 284 મીમી, માળીયા હાટીનામાં 162 મીમી, વેરાવળમાં 107 મીમી, જૂનાગઢમાં 77 મીમી અને કેશોદમાં 83 મીમી વરસાદ બપોર સુધીમાં હવામાન વિભાગ દ્વારા નોંધાયો હતો. આ સંજોગોમાં ભાવનગર રેલવે ડિવિઝન દ્વારા સ્થિતિ પર બારીકાઈથી નજર રાખવામાં આવી રહી છે. રેલવે દ્વારા ડિવિઝનના તમામ સ્ટેશનો પર મુસાફરોને શક્ય તમામ મદદ પૂરી પાડવામાં આવી રહી છે. ડિવિઝનલ રેલવે એડમિનિસ્ટ્રેશન દ્વારા પરિસ્થિતિ પર બારીકાઈથી નજર રાખવામાં આવી રહી છે. સર્કલ પરનો કંટ્રોલ રૂમ એલર્ટ પર છે. ટ્રેક પર સતત નજર રાખવામાં આવી રહી છે, સમારકામનું કામ સતત ચાલુ છે. રેલવે પ્રશાસન દ્વારા ટ્રેનોને સમયસર દોડાવવાના તમામ શક્ય પ્રયાસો કરવામાં આવી રહ્યા છે. આ દરમિયાન કેટલીક ટ્રેનો કેન્સલ કરવામાં આવી રહી છે અને કેટલીક ટ્રેનોને શોર્ટ ટર્મિનેટ કરવામાં આવી રહી છે.

પોરબંદર શહેરમાં વરસાદ વચ્ચે દીપડો આવી ચઢતા ભારે ફફડાટ- Video

ટ્રેન અંગેની તમામ વિગતો
સૌરાષ્ટ્ર વિસ્તારમાં સવારથી પડી રહેલા ભારે વરસાદને કારણે મીટરગેજ વિભાગમાં વેરાવળ-સવાણી, સાસણગીર-વિસાવદર, પ્રાચી-તાલાલા વચ્ચે અનેક જગ્યાએ પાટા નીચેથી અને પાટા ઉપરથી માટીનું ધોવાણ થયું હતું. વેરાવળ યાર્ડમાં પાણી ભરાયા, ડિવિઝનની કેટલીક ટ્રેનો રદ કરવામાં આવી હતી, કેટલીક ટ્રેનો ટૂંકી થઈ હતી અને કેટલીક ટ્રેનોનું સમયપત્રક બદલાઈ ગયું હતું. ભાવનગર રેલ્વે વિભાગના વરિષ્ઠ ડીસીએમ શ્રી માશુક અહેમદના જણાવ્યા મુજબ, 19 અને 20 જુલાઈ, 2023 ના રોજ કેટલીક ટ્રેનોને અસર થશે, જેનું વિગતવાર વર્ણન નીચે મુજબ છે:-

ટૂંકી ટર્મિનેટેડ ટ્રેનો
1. ટ્રેન નંબર 09513 રાજકોટ-વેરાવળ 19.07.2023 ના રોજ જૂનાગઢ સ્ટેશન પર ટૂંકી ટર્મિનેટ થશે અને જૂનાગઢ સ્ટેશનથી ટ્રેન નંબર 09514 વેરાવળ-રાજકોટ તરીકે ઉપડશે. આમ 19.07.2023ના રોજ શરૂ થનારી ટ્રેન નંબર 09514 વેરાવળ-રાજકોટ વેરાવળ-જૂનાગઢ વચ્ચે આંશિક રીતે રદ કરવામાં આવી છે.
2. ટ્રેન નંબર 19207 પોરબંદર – વેરાવળ 19.07.2023 ના રોજ જૂનાગઢ સ્ટેશન પર ટૂંકી ટર્મિનેટ કરવામાં આવશે, આમ આ ટ્રેન જૂનાગઢ – વેરાવળ વચ્ચે આંશિક રીતે રદ રહેશે. ત્યાર બાદ આ ટ્રેન જૂનાગઢ સ્ટેશનથી ટ્રેન નંબર 19208 વેરાવળ-પોરબંદર 19.07.2023ના રોજ ઉપડશે. આમ 19.07.2023 ના રોજ શરૂ થનારી ટ્રેન નંબર 19208 વેરાવળ – પોરબંદર વેરાવળ – જૂનાગઢ વચ્ચે આંશિક રીતે રદ કરવામાં આવી છે.

20.07.2023 ના રોજ સંપૂર્ણપણે રદ કરાયેલી ટ્રેનો
1. ટ્રેન નંબર 09532 જૂનાગઢ – દેલવાડા (મીટરગેજ ટ્રેન)
2. ટ્રેન નંબર 09296 દેલવાડા – જૂનાગઢ (મીટરગેજ ટ્રેન)
3. ટ્રેન નંબર 09508 અમરેલી – વેરાવળ (મીટરગેજ ટ્રેન)
4. ટ્રેન નંબર 09505 વેરાવળ – અમરેલી (મીટરગેજ ટ્રેન)
5. ટ્રેન નંબર 09295 વેરાવળ – દેલવાડા (મીટરગેજ ટ્રેન)
6. ટ્રેન નંબર 09291 વેરાવળ – અમરેલી (મીટરગેજ ટ્રેન)
7. ટ્રેન નંબર 09531 દેલવાડા – જૂનાગઢ (મીટરગેજ ટ્રેન)
8. ટ્રેન નંબર 09539 અમરેલી – જૂનાગઢ (મીટરગેજ ટ્રેન)
9. ટ્રેન નંબર 09292 અમરેલી – વેરાવળ (મીટરગેજ ટ્રેન)
10. ટ્રેન નંબર 09540 જૂનાગઢ – અમરેલી (મીટરગેજ ટ્રેન)