સુરતમાં 1 કલાક સુધી ટ્રેનને કેમ રોકવી પડી! જાણો સમગ્ર ઘટનાક્રમ

સુરતઃ કુડસદ રેલવે સ્ટેશન પર એક ગુડ્સ ટ્રેનની બોગીમાં આગ લાગવાની ઘટના સામે આવી છે. જેના કારણે 1 કલાક સુધી ટ્રેનને રોકી દેવાઈ હતી. ઉલ્લેખનીય છે કે આ માલગાડીમાં કોલસાનો જથ્થો લઈ જવામાં આવતો હતો. પરંતુ અચાનક આગ લાગતા ગેટમેન દ્વારા સમયસૂચકતા દાખવી ટ્રેનને રોકી દેવાઈ હતી.

મોટી દુર્ઘટના ટળી
ત્યારપછી રેલવેના અધિકારીઓને આ અંગે સમયસર જાણ કરી દેવામાં આવી હતી. જ્યાર બાદ આગને કાબૂમાં લેવાની પ્રક્રિયા શરૂ થઈ ગઈ હતી. ઉલ્લેખનીય છે કે સૌથી પહેલાં સાવચેતીનાં પગલે રેલવેનાં આ ડબ્બાને અલગ કરી દેવાયો હતો જેથી આસપાસનાં અન્ય ડબ્બામાં આગ ફેલાય નહીં. ત્યારપછી અન્ય તમામ ટ્રેનના રૂટ બદલીને અહીં આગ રોકવાનું કાર્ય શરૂ કરી દેવાયું હતું.