‘આદિવાસી બાળકોને સડેલું શિક્ષણ આપી અન્યાય કરી રહ્યા છીએ’- IAS ધવલ પટેલની બેખૌફ વાત

નર્મદાઃ સરકારને ના ગમે તેવું બોલવાની હિંમત ઘણા ઓછા અધિકારીઓમાં હોય છે. સત્ય બોલવું અને તે પણ બેખૌફ રીતે ઘણી વખત નડતર ઊભું કરી જતું હોય છે અને તેના કારણે ઘણી વખત અધિકારીઓ સત્ય જાણતા હોવા છતા મોંઢે આંગળી મુકી દેતા પણ જોયા હશે. જોકે અહીં આપણે આ સત્ય સાથે રહી પોતાની વાત બેખૌફ રીતે કરનાર અધિકારીની કરવા જઈ રહ્યા છીએ. આઈએએસસ ધવલ પટેલ દ્વારા ગુજરાતની શિક્ષણનીતિ કથળતી જતી હોવાને લઈને દુઃખ વ્યક્ત કર્યું છે.

મહિલા સમ્માન BJPની વાતો, હર્ષ સંઘવીના હોમટાઉનમાં જે થયું તે નિંદનીયઃ MLA ચૈતર વસાવા

બાળકો સાથે છળ કરવું એ નૈતિક અધઃપતિનની પરાકાષ્ઠા
શાળા પ્રવેશોત્વસ મામલે ધવલ પટેલે જે શાળાઓઓની મુલાકાત લીધી તે શાળાઓની દયનીય હાલત જોઈ તેઓ દુખી થયા છે. છોટાઉદેપુર તાલુકાના છ ગામોની શાળાઓનો રિપોર્ટ પ્રાથમિક શિક્ષણ સચિવને તેમણે મોકલ્યો છે. તેમણે લેખિત પત્રમાં શાળાઓના શિક્ષણને અત્યંત નિમ્ન કોટીનું હોવાનું ગણાવ્યું છે. ધોરણ 8ના વિદ્યાર્થીઓને વાંચતા લખતા પણ ના આવડે તેને લઈને તેઓનું મન દ્રવી ઉઠ્યું હોવાનું પત્રમાંથી જાણી શકાય છે. તેમણે કહ્યું કે, આદિવાસી બાળકોને આપણે સડેલું શિક્ષણ આપીને આપણે તેમની સાથે અન્યાય કરી રહ્યા છીએ. તેમણે કહ્યું કે આદિવાસીઓ સાથે છળ કરવું એ નૈતિક અધઃપતનની પરાકાષ્ઠા છે. વાંચો અહીં આ પત્રમાં તેમણે શું કહ્યું છે.

(ઈનપુટઃ નરેન્દ્ર પેપરવાલા, નર્મદા)