મોગલધામ ભીમરાણાના મહંત પ.પૂ.શ્રી ઘનશ્યામગિરી બાપુ થયા બ્રહ્મલીન, અંતિમ દર્શને પહોંચ્યા ભક્તો

દ્વારકાના મોગલધામ- ઓખાધર (ભીમરાણા) કે જે માં મોગલનું જન્મસ્થાન છે. વર્ષોથી મોગલધામ ભીમરાણામાં સેવા આપતાં મહંત પ.પૂ.શ્રી ઘનશ્યામગિરી બાપુનું 94 વર્ષની ઉંમરે નિધન થયું છે. સોમવારે (19-8-2024) રાત્રે 9 વાગ્યે મહંત ઘનશ્યામગિરી બાપુ બ્રહ્મલીન થયા હતા. ઓખાધર મોગલધામના મહંતના દેહાવસાનથી ભક્તોમાં શોક છવાયો છે.

ભીમરાણા ખાતે આજે (20-8-2024) સ્વર્ગવાસ પ.પૂ. શ્રી ઘનશ્યામગિરી બાપુને સમાધિ આપવામાં આવી. જેમાં મોટી સંખ્યામાં ભક્તો અને સંતો પહોંચ્યા હતા અને મહંતના અંતિમ દર્શન કર્યા હતા.