દારૂની હેરાફેરીના કેસમાં અરવલ્લી જિલ્લા પોલીસે કરી મોટી કાર્યવાહી, લેવાયા આવા એક્શન

હિતેશ સુતરીયા, અરવલ્લી: ગુજરાતમાં આમ તો કહેવાતી કડક દારૂબંધી છે. આ દારૂબંધીનો અમલ કરાવવાની જવાબદારી પોલીસની હોય છે ત્યારે ખુદ પોલીસ જ બુટલેગરનો સાથ આપી દારૂની હેરાફેરામાં મદદ કરતા હોવાનો ચોંકાવનારો બનાવ સામે આવ્યો છે. તે પણ પોલીસની દારૂ ભરેલી કારનો અકસ્માત થતા આ ભેદ ખૂલ્યો હતો. જેને લઈને ખુદ પોલીસે જ પોલીસને પકડવા માટે તપાસના ચક્રો ગતિમાન કર્યા હતા . ત્યારે આ ઘટનાને લઈને અરવલ્લી જિલ્લા પોલીસ વડા એ હેડ કોન્સ્ટેબલ સહિત 3 ને સસ્પેન્ડ કર્યા છે.

અકસ્માત કરનાર કાર માંથી દારૂ ની પેટીઓ ટ્રાન્સફર કરતા સીસીટીવી સામે આવ્યા હતા. ત્યારે સીસીટીવી માં હેડ કોન્સ્ટેબલ અર્જુન ગઢવી સહિત બે કર્મીઓ કેદ થયા હતા. આ ઘટનાને લઈને જિલ્લા પોલીસ વડા એ મેઘરજ પો.સ્ટે. ના અર્જુન ગઢવી,જતીન રાકેશ ભાઈ,વિજય ગોબર ભાઈને સસ્પેન્ડ કરવામાં આવ્યા છે. આજે ઇજાગ્રસ્ત ના વાલીએ મેઘરજ પોલીસ મથકમાં ફરિયાદ નોંધાવી હતી. ત્યારે સમગ્ર પ્રકરણ ની તપાસ ડીવાયએસપી હેડ ક્વાર્ટરને સોંપવામાં આવી છે.

જાણો શું છે મામલો
અરવલ્લીના મેઘરજમાં ઈકોસ્પોર્ટ કારનો અકસ્માત થતા દારૂની હેરાફેરીનો મામલો સામે આવ્યો હતો. કારનો અકસ્માત થતા મેઘરજ પોલીસ સ્ટેશનનો હેડ કોન્સ્ટેબલ અર્જુન ગઢવી જ અન્ય કારમાં દારૂ ભર્યો હતો અને બાદમાં ત્યાંથી ફરાર થઈ ગયો હતો. ત્યારે ખુદ પોલીસકર્મી જ દારૂ ભરેલી કારનું પાયલોટિંગ કરતા હોવાનું સામે આવ્યું હતું.

આ પણ વાંચો: મુખ્યમમંત્રી ભૂપેન્દ્ર પટેલે લીધી નરેન્દ્ર મોદી સ્ટેડિયમની મુલાકાત, સુરક્ષા અન્ય બાબતોની કરી સમીક્ષા

સીસીટીવીમાં પોલીસ કોન્સ્ટેબલ દારૂની હેરાફેરી કરતા કેદ
ખુદ પોલીસ કોન્સ્ટેબલ અન્ય કારમાં દારૂ ભરતા સીસીટીવી કેમેરામાં કેદ થઈ ગયા હતા. એવામાં સમગ્ર મામલો ટોક ઓફ ધ ટાઉન બન્યો છે. બીજી તરફ કારનો બાઈક સાથે અકસ્માત થયા બાદ બાઈક ચાલકને સારવાર માટે હોસ્પિટલમાં ખસેડવામાં આવ્યો હતો. ત્યારે પોલીસ દ્વારા જ દારૂ ભરેલી કારનું પાયલોટિંગ કરાતા સમગ્ર મામલો છુપાવવા માટે મરણીયા પ્રયાસ પોલીસ દ્વારા કરવામાં આવી રહ્યા હોય તેમ લાગી રહ્યું છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…