Anand News: બોરસદ જેલથી ચાર કેદીઓ ભાગી જવાની ઘટનામાંઃ 4 પોલીસ કર્મીઓ સસ્પેન્ડ

Anand News: આણંદ જિલ્લાની બોરસદ સબજેલમાં શુક્રવારે રાત્રે 4 ગાર્ડ સૂતા હતા અને 40 મિનિટમાં 4 કેદીઓ લાકડાના પાટિયા કાપી લોખંડના સળિયા ઉપાડી 20 ફૂટ ઊંચી દિવાલ તોડીને નાસી છૂટ્યા હતા. રાત્રે 1.45 વાગ્યે, જ્યારે રક્ષકોએ બેરેકના બાર ઊભા જોયા, ત્યારે ચાર કેદીઓ ભાગ્યા હોવાની જાણકારી મળી. જેથી બોરસદ પોલીસને જાણ કરતાં તુરંત જ પોલીસે કેદીઓને પકડી પાડવા કાર્યવાહી શરૂ કરી હતી. આ બનાવની જાણ થતાં એલસીબી, એસઓજી સહિતની પોલીસની જુદી જુદી ટીમોએ નાકાબંધી કરી આરોપીઓને ઝડપી લેવા કાર્યવાહી શરૂ કરી હતી.

બેદરકારી બદલ પોલીસકર્મીઓ સસ્પેન્ડ

જોકે બોરસદ સબજેલમાંથી નાસી છૂટેલા ચાર પૈકી બળાત્કારના આરોપી અશ્વિન ઉર્ફે ધુળકી પૂનમ ઠાકોરની ભાદરણ પોલીસે કિંખલોડ રવિપુરા સીમમાંથી ધરપકડ કરી છે. એ જ રીતે આજે આણંદ પોલીસે આ મામલે બેદરકારી દાખવનાર ચાર પોલીસકર્મીઓને સસ્પેન્ડ કર્યા હતા, જેમાં એએસઆઈ, હેડ કોન્સ્ટેબલ અને બે કોન્સ્ટેબલ સહિત ચારને સસ્પેન્ડ કરવામાં આવ્યા છે, એવું કહેવામાં આવી રહ્યું છે કે જ્યારે ચારેય કેદીઓ નાસી છૂટ્યા ત્યારે પોલીસકર્મીઓ જેલમાં સૂઈ રહ્યા હતા.

Mahisagar કોર્ટનો આદેશઃ દલિત ક્લાર્કને આપઘાતની દુષ્પ્રેરણા કરવા બદલ 4 અધિકારીઓ સામે FIR નોંધો

બોરસદની સબજેલમાં 33 જેટલા આરોપીઓ હતા. જેમને ત્રણ અલગ-અલગ બેરેકમાં રાખવામાં આવ્યા હતા. શુક્રવારે રાત્રે 1 થી 1.40 વાગ્યાના સુમારે કેદીઓએ જેલના બેરેક નંબર ત્રણના સળિયા નીચે લાકડાનો ભાગ હેક્સો બ્લેડથી કાપીને બેરેકના બે સળિયા કાપીને ઊંચકીને બાથરૂમની દિવાલ સામે બેરેકની બહાર આવ્યા હતા. બેરેકની સામે. તેની સાથે લોખંડનો દરવાજો જોડાયેલો હતો. હત્યાના આરોપી સંજય પરમાર, બળાત્કારના બે આરોપી જયદીપ રાઠોડ અને અશ્વિન ઠાકોર અને પ્રોહિબિશનના ગુનાના આરોપી પિન્ટુ સંગરિયા 20 ફૂટ દિવાલ તોડીને નાસી છૂટ્યા હતા. જેમાંથી બળાત્કારનો એક આરોપી પોલીસના હાથે ઝડપાઈ ગયો છે.

(હેતાલી શાહ, આણંદ)