ઓહો.. વધુ એક મહાઠગઃ ED, SBI, 350 કરોડનો ચૂનો, ‘ગુજરાત કનેક્શન’ કહેનારો કોણ છે સંજય શેરપુરિયા?

પ્રયાગરાજઃ ઉત્તરપ્રદેશના STF દ્વારા લખનઉથી સંજય પ્રકાશ રાય ઉર્ફે સંજય શેરપુરિયા નામના શખ્સને પકડવામાં આવ્યો છે. સંજય શેરપુરિયા પણ કિરણ પટેલની જેમ મહાઠગ હોવાનું સામે આવ્યું છે. ભાજપના નેતાઓ સાથે તસવીરો પડાવી રાખીને પોતે દિગ્ગજ નેતાઓના સાથે કનેક્શન હોય તેવો ડોળ કરીને, પોતે સરકારની નજીકનો હોવાનું કહીને સંજયે ઘણા ફ્રોડ કર્યા હોવાનું સામે આવ્યું છે. સંજય શેરપુરિયા મામલામાં એક પછી એક મોટી બાબતો સામે આવી રહી છે. તે સ્ટેટ બેન્ક ઓફ ઈન્ડિયાનો ડિફોલ્ટર હોવાનું પણ સામે આવ્યું છે. સંજયની પત્ની કંચન પ્રકાશ રાય પર પણ આરોપ છે કે તેણે પોતાની કંપની દ્વારા સ્ટેટ બેન્કને 350 કરોડનો ચૂનો ચોપડ્યો છે.

કંડલા એનર્જી એન્ડ કેમિકલ્સ નામની કંપનીથી લીધી લોન
આજતક સંવાદદાતા સંતોષ કુમારના અહેવાલ મુજબ, સંજય અને તેની પત્નીએ કંડલા એનર્જી એન્ડ કેમિકલ્સ નામની કંપની માટે એસબીઆઈ પાસેથી લોન લીધી હતી. આ કંપનીનો સંબંધ સંજય પ્રકાશ સાથે જણાવવામાં આવી રહ્યો છે. આમાં તેમની પત્ની કંચન પ્રકાશ અને માણિક લાલ નિર્દેશક છે. હવે અમે તમને શરૂઆતથી જ જણાવીએ કે સંજય શેરપુરિયા પર શું આરોપો છે.

Amreli: 15 ફૂટની જાળી કુદીને દીપડો ઘૂસ્યો ધારી સફારી પાર્કમાં- Video

પોતાને સરકારની નજીક જાહેર કર્યા
આરોપ છે કે સંજય પ્રકાશ શેરપુરિયાએ EDની તપાસ પતાવવાના નામે 11 કરોડની છેતરપિંડી કરી હતી. એટલું જ નહીં, માઈનિંગ લીઝ મેળવવાના નામે તેણે અનેક લોકો સાથે કરોડોની છેતરપિંડી કરી હોવાનો પણ આરોપ છે. શેરપુરિયા UPના ગાઝીપુર જિલ્લાનો રહેવાસી છે. તે દિલ્હીમાં સંજય શેરપુરિયા તરીકે ઓળખાય છે.

પ્રભાવશાળી નેતાઓ સાથેની તસવીરો કરતો શેર
એવું કહેવાય છે કે સંજય પ્રકાશ દિલ્હીમાં ઘણા દિગ્ગજ નેતાઓને મળ્યો હતો. તેણે અનેક હાઈપ્રોફાઈલ મેળાવડામાં બેસવાનું શરૂ કર્યું. દિગ્ગજ નેતાઓની તસવીરોની મદદથી તેઓ પોતાને સરકારની નજીક ગણાવવા લાગ્યા. સંજય રાય સોશિયલ મીડિયા પર પીએમ મોદીથી લઈને ડેપ્યુટી સીએમ કેશવ મૌર્ય, કેન્દ્રીય મંત્રી અનુરાગ ઠાકુર, આરએસએસ ચીફ મોહન ભાગવત સહિત ઘણા પ્રભાવશાળી નેતાઓ સાથેની તસવીરો પોસ્ટ કરતો હતો. આ બધા સિવાય ગુજરાતમાં પોતાની ફેક્ટરી હોવાનો દાવો કરીને તે ગુજરાત કનેક્શનનો પણ પ્રચાર કરતો હતો.

એવું કહેવામાં આવી રહ્યું છે કે તેણે ED સાથે ચાલી રહેલી ગૌરવ દાલમિયાની તપાસને મેનેજ કરવાના નામે 11 કરોડ રૂપિયા લીધા હતા. ગૌરવે તેના ફેમિલી ઓફિસ ટ્રસ્ટના ખાતામાંથી 11 કરોડની રકમ સંજય રાયના યુવા ગ્રામીણ સાહસિકતાના ખાતામાં બે વખતમાં જમા કરાવી હતી. તેણે પહેલા 21 જાન્યુઆરીએ 5 કરોડ અને પછી 23 જાન્યુઆરીએ 6 કરોડ ટ્રાન્સફર કર્યા હતા. તેની માહિતી ફેલાતાની સાથે જ તેના પર સ્ક્રૂ કડક કરી દેવામાં આવ્યા હતા.

ગુપ્ત પત્રમાંથી માહિતી
સંજય શેરપુરિયાના આ કૌભાંડની માહિતી કેન્દ્રીય એજન્સીને એક ગોપનીય પત્રથી મળી હતી. UP STF તેની તપાસમાં વ્યસ્ત હતી. પત્રમાં આરોપ લગાવવામાં આવ્યો હતો કે સંજય શેરપુરિયાએ દિલ્હીની પ્રખ્યાત દિલ્હી રાઇડિંગ ક્લબ પર કબજો કરી લીધો છે અને રેસ કોર્સની અંદર એક આલીશાન ઘર બનાવ્યું છે. જ્યાં તે બેસીને લોકોની છેરપીંડી કરતો હતો.

‘બ્રિજભૂષણ સિંહને કેમ બચાવાય છે’- સવાર-સવારમાં પહેલવાનોને મળવા પહોંચેલા પ્રિયંકા ગાંધીએ કર્યા સવાલ…

અમદાવાદ-વડોદરામાં નકલી કંપનીઓ-NGOનું કનેક્શન
આ ગોપનીય પત્રના આધારે તપાસ કરવામાં આવી હતી. આ પછી UP STFએ લખનૌના વિભૂતિ ખંડમાંથી સંજય પ્રકાશ શેરપુરિયા અને શેરપુરિયાના નજીકના કાશિફની નોઈડાથી ધરપકડ કરી હતી. અત્યાર સુધીની તપાસમાં સામે આવ્યું છે કે સંજય પ્રકાશ શેરપુરિયા દિલ્હી, ગાઝીપુર, અમદાવાદ અને વડોદરામાં અનેક નકલી કંપનીઓ અને NGO સાથે સંકળાયેલો હતો. આમાંની ઘણી કંપનીઓમાં સંજય શેરપુરિયા કાગળ પર ક્યાંય નથી. પરંતુ જ્યારે પણ તે કંપની અથવા એનજીઓનો કોઈ જાહેર કાર્યક્રમ હોય ત્યારે તે કંપનીના વડા તરીકે આ કાર્યક્રમોમાં જતા હતા. ધરપકડ બાદ પ્રાથમિક તપાસમાં સંજય પ્રકાશના મોબાઈલમાંથી ટ્રાન્ઝેક્શન સંબંધિત અનેક વોટ્સએપ ચેટ મળી આવી છે. UP STFના લખનૌ અને નોઈડા યુનિટ આના પર કામ કરી રહ્યા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…