Mehsana Latest News: પતંગ લૂંટવા જતાં દસ વર્ષના બાળકનું કૂવામાં પડતા કમકમાટી ભર્યું મોત

Mehsana News: આજે ઉતરાયણના આ પાવન અવસર પર મહેસાણાથી ખૂબ જ દુ:ખદ સમાચાર સામે આવ્યા છે. ખેરાલુના મોટી હિરવાણી ગામે 10 વર્ષીય બાળક પતંગ લૂટવા જતા કૂવામાં પડી જતા તેમનું મોત નીપજ્યું હતું. મળતી માહિતી અનુસાર, 10 વર્ષીય રાહુલ વણઝારા નામનો બાળક પતંગ લૂંટવાની લાયમાં કુવામાં પડી ગયો હતો. આ કારણે તેમને પોતાનો જીવ ગુમાવો પડ્યો હતો.

પવિત્ર તહેવાર પર દુર્ઘટના બનતા પરિવારમાં શોકનું મોઝું

ખેરાલુના મોટી હિરવાણી ગામના રહેવાસી જીતુભાઈ વણઝારાનો પુત્ર રાહુલ કે જેની ઉંમર માત્ર દસ વર્ષની હતી તેનું કુવામાં પડી જવાથી કમકમાટી ભર્યું મોત થયું છે. મૃતદેહને પીએમ માટે સિવિલ હોસ્પિટલમાં ખસેડવામાં આવ્યો છે. ઉત્તરાયણના પવિત્ર તહેવાર પર દુર્ઘટના બનતા પરિવારમાં શોકનું મોઝું ફરી વળ્યું છે.

પતંગ ચગાવતી વખતે આટલું ધ્યાન રાખો

સલામતી સાથે પર્વની ઉજવણી કરજો

દર વર્ષે ઉત્તરાયણના દિવસે અનેક અકસ્માતના કિસ્સાઓ બનતા સામે આવતા હોય છે જેમાં કેટલાક લોકોને પોતાનો જીવ પણ ગુમાવો પડે છે. ત્યારે આ વખતે પણ એક ઘટના સામે આવી છે. માટે આજના પવિત્ર દિવસ પર આપ સૌ લોકોને સલામતી સાથે પર્વની ઉજવણી કરવાની અપીલ છે.