Lok Sabha Elections Results: બનાસકાંઠામાં 62 વર્ષ બાદ મહિલા સાંસદ, જાણો ગેનીબેનની જીતના કારણો

Lok Sabha Elections Results 2024: દેશમાં જે પ્રકારે ભાજપ દ્વારા 400 પારનો નારો લગાવવામાં આવી રહ્યો હતો તે પ્રમાણે દેશનું અને ગુજરાતનું ચોંકાવનારું પરિણામ જોવા મળી રહ્યું છે. તો રાજ્યમાં 26 બેઠકના પરિણામની સ્થિતિ જોવામાં આવે તો સુરત સિવાય જે 25 બેઠક પર પરિણામની ગણતરી કરવામાં આવી છે તેમાં 24 બેઠક પર ભાજપે જીત છે અને કોંગ્રેસ એક બેઠક પર કમાલ કરી બતાવ્યો છે. ગુજરાતમાં ભાજપની હેટ્રીકનું સપનું રોળાયું છે. બનાસની બહેનએ બનાસની દીકરીને હરાવી છે. ગેનીબેને ભારે રસાકસી બાદ ભાજપના ઉમેદવાર રેખાબેન ચૌધરીને 31923 થી હરાવ્યા છે.  

Lok Sabha Elections Results: ગુજરાતમાં ભાજપની હેટ્રીકનું સપનું રોળાયું, જાણો ચૂકના મુખ્ય કારણો

ગેનીબેનની જીતના કારણો

• શંકર ચૌધરીનો બનાસકાંઠાના લોકોમાં વિરોધની વાતો
• વિરોધીઓએ શંકર ચૌધરીને પછાડવા મતદાન કરાવ્યાની ચર્ચા
• નવા જ ઉમેદવારને મેદાને ઉતારવા ભારે પડ્યું
• ગેનીબેનની સ્વચ્છ છબી અને હળવો અંદાજ કામ લાગી ગયો
• ઠાકોર સમાજના મહિલા નેતાને મેદાને ઉતારી સમાજને પોતાની તરફ કર્યો
• ઠાકોર સમાજનો ઉત્સાહ મતમાં પરિવર્તીત થયો
• આશરે 1 લાખ જેટલા ક્ષત્રિય મતદારોનો પણ રોલ હોવાની ચર્ચા
• ભાજપનો આંતરિક ડખો જ ભાજપ માટે વિલન બન્યો
• ઈતર કોમની અવગણના કરી એક જ સમાજને ટિકિટ આપતા ભાજપને નુક્સાન
• પરબત પટેલથી નારાજ એક જૂથનો ફાયદો કોંગ્રેસને થયાની ચર્ચા
• પાલનપુરમાં ભાજપ કાર્યકર્તાઓની નિષ્ક્રિયતાએ કોંગ્રેસને ફાયદો કરાવ્યો

બનાસકાંઠાને 62 વર્ષે મળ્યા મહિલા સાંસદ  

ગુજરાતની બનાસકાંઠા લોકસભા બેઠક પર બે મહિલાઓની વચ્ચે ટક્કર હતી. કોંગ્રેસના ગેનીબેન ઠાકોર અને ભાજપના રેખાબેન ચૌધરી વચ્ચે ખરાખરીની જંગ બાદ ગેનીબેને બાજી મારતા 62 વર્ષ બાદ બનાસકાંઠાને મહિલા સાંસદ મળ્યા છે. 1962 બાદ પ્રથમ વખત બનાસકાંઠા બેઠક પરથી મહિલા સંસદ મળ્યા હતા.