Lok Sabha Election Results 2024 LIVE : પરિણામ બાદ PM મોદીનું પ્રથમ સંબોધન, કહ્યું- ત્રીજી વખત બનશે NDA સરકાર

लाइव-ब्लॉग समाप्त हुया।

• 09:08 PM • 04 Jun 2024
  INDIA ગઠબંધન મળીને પણ ભાજપની બરાબર ન જીતી શક્યું : પીએમ મોદી

  વડાપ્રધાન મોદીએ કહ્યું કે, 'આ ઈન્ડિયા ગઠબંધન વાળા મળીને પણ એટલી બેઠકો ન જીતી શક્યા. જેટલી એકલા ભાજપે જીતી છે. વડાપ્રધાને પોતાના કાર્યકર્તાઓના વખાણ કરતા કહ્યું કે, એટલી ગરમીમાં પણ તમે પરસેવો વહાવ્યો જે મને કામ કરવાની પ્રેરણા આપે છે.'
   
• 09:03 PM • 04 Jun 2024
  મારા માતાના ગયા બાદ આ મારી પહેલી ચૂંટણી છે : પીએમ મોદી

  વડાપ્રધાન મોદીએ કહ્યું કે, 'આ મારા માતાના ગયા બાદ આ મારી પહેલી ચૂંટણી છે. પરંતુ દેશની માતાઓ-બહેનોએ ક્યારે મને મારી માતાની કમી મહેસૂસ થવા નથી દીધી. આજનો દિવસ ભાવુક કરી દેનારો છે.'

ADVERTISEMENT

• 09:01 PM • 04 Jun 2024
  આ જનાદેશના અનેક પાસા છે : પીએમ મોદી

  વડાપ્રધાન મોદીએ કહ્યું કે, 'આ જનાદેશના અનેક પાસા છે. 1962 બાદ પહેલીવાર છે કે કોઈ સરકાર પોતાના બે કાર્યકાળ પૂર્ણ કર્યા બાદ સતત ત્રીજી વખત સત્તામાં પરત ફરી છે.'
• 09:01 PM • 04 Jun 2024
  જમ્મુ કાશ્મીરના કાર્યકર્તાઓના પણ કર્યા વખાણ

  વડાપ્રધાન મોદીએ કહ્યું કે, 'જમ્મુ કાશ્મીરના મતદારોએ આ ચૂંટણીમાં રેકોર્ડ વોટિંગ કરીને અભૂતપૂર્વ ઉત્સાહ દર્શાવ્યો છે અને દુનિયાભરમાં ભારતને બદનામ કરનારાઓની જે તાકાત છે, તેને અરિસો બતાવ્યો છે.'
   

ADVERTISEMENT

• 09:00 PM • 04 Jun 2024
  ઓડિસામાં પહેલીવાર ભાજપના મુખ્યમંત્રી બનવા જઈ રહ્યા છે : પીએમ મોદી

  વિધાનસભા ચૂંટણીઓને લઈને વડાપ્રધાન મોદીએ કહ્યું કે, 'અમે ઓડિસામાં સરકાર બનાવવા જઈ રહ્યા છીએ. અમે લોકસભામાં પણ આ રાજ્યથી બેઠકો મળી છે અને એવું પહેલીવાર બની રહ્યું છે જ્યારે ભગવાન જગન્નાથની ધરતી પર ભાજપના મુખ્યમંત્રી હશે.' સાથે જ વડાપ્રધાને કેરળ અને તેલંગાણા પર પણ વાત કરી. વડાપ્રધાને કહ્યું કે, 'કેરળમાં આપણા કાર્યકર્તાઓએ ખુબ મહેનત કરી.'
• 08:46 PM • 04 Jun 2024
  ત્રીજી વખત બનશે NDA સરકાર : વડાપ્રધાન મોદી

  ચૂંટણીના પરિણામ બાદ વડાપ્રધાન નરેન્દ્ર મોદીએ દિલ્હી ખાતે ભાજપ હેડક્વાર્ટર સંબોધન કર્યું હતું. વડાપ્રધાન 'ભારત માતા કી જય' અને 'જય જગન્નાથ'થી કરી. વડાપ્રધાને કહ્યું કે, 'આજે ખુબ શુભ દિવસ છે. આ પાવન દિવસે NDA સતત ત્રીજી વખત સરકાર બનાવવા જઈ રહ્યું છે. દેશે ભાજપ, NDA પર વિશ્વાસ રાખ્યો. આજે સૌથી મોટી લોકશાહીની જીત થઈ છે. આ વિકસિત ભારતના પ્રણની જીત છે. સૌના સાથ, સૌના વિકાસના મંત્રની જીત થઈ છે. 140 કરોડ ભારતવાસીઓની જીત થઈ છે. આશિર્વાદ માટે દેશવાસીઓનો ઋણી છું. દેશના ચૂંટણી પંચને અભિનંદન પાઠવું છું.

   
• 08:16 PM • 04 Jun 2024
  વડાપ્રધાન નરેન્દ્ર મોદી પહોંચ્યા ભાજપ હેડક્વાર્ટર

  લોકસભા ચૂંટણીના વલણોમાં NDAને ઝટકો લાગ્યો છે. 400 પારનો નારો આપનાર NDA 300 પાર પણ નથી થયું. જો કે NDAએ બહુમતીનો આંકડો પાર કરી લીધો છે. આ વચ્ચે NDA ગઠબંધન ત્રીજી વખત જીતીને સરકાર બનાવવા જઈ રહ્યું છે. તેવામાં ભાજપ હેડક્વાર્ટરમાં જીતના જશ્નને લઈને તૈયારીઓ શરૂ કરી દીધી છે. અનેક કેન્દ્રીય મંત્રી ભાજપ ઓફિસ પહોંચી ચૂક્યા છે. ભાજપ હેડક્વાર્ટરમાં જે.પી.નડ્ડા, રાજનાથ સિંહ, અમિત શાહ, જ્યોતિરાદિત્ય સિંધિયા, એસ.જયશંકર, અશ્વિની વૈષ્ણવ, નિર્મલા સીતારમણ પહોંચી ચૂક્યા છે. ત્યારે હવે વડાપ્રધાન મોદી પણ પહોંચી ચૂક્યા છે.

   
• 08:09 PM • 04 Jun 2024
  જનતાનો વિશ્વાસ મોદીની સાથે : અમિત શાહ

  કેન્દ્રીય ગૃહ મંત્રી અમિત શાહે પરિણામ અંગે X પર લખ્યું કે, 'NDAની આ જીત દેશ માટે પોતાનું જીવન ખપાવી દેનારા નરેન્દ્ર મોદીમાં જન-જનના અતૂટ વિશ્વાસનું પ્રતિબિંબ છે. આ મોદીજીના વિકસિત ભારતના વિઝન પર જનતા-જનાર્દનનો વિશ્વાસમત છે. આ જન આશીર્વાદ મોદીજીના ગત એક દાયકાના ગરીબ કલ્યાણ, વિરાસતોના પુનરોત્થાન, મહિલાઓના સ્વાભિમાન અને કિસાન કલ્યાણના કાર્યોની સફળતાના આશીષ છે. નયા ભારત આ જનાદેશની સાથે વિકાસ યાત્રાને વધુ ગતિ અને શક્તિ આપવા માટે તૈયાર છે.'

  વધુમાં તેમણે લખ્યું કે, 'વડાપ્રધાન નરેન્દ્ર મોદીના નેતૃત્વમાં NDAને સતત ત્રીજી વખત સેવા કરવાની તક આપવા બદલ હું દેશના લોકોને સલામ કરું છું. સતત ત્રીજી જીતે સ્પષ્ટ કરી દીધું છે કે જનતાનો વિશ્વાસ માત્ર મોદીજી પર છે.'

   
• 07:31 PM • 04 Jun 2024
  NDA પર ફરી વિશ્વાસ મુકવા બદલ આભાર : વડાપ્રધાન મોદી

  લોકસભા ચૂંટણી 2024ના પરિણામો પર વડાપ્રધાન નરેન્દ્ર મોદીની પ્રથમ પ્રતિક્રિયા આવી છે. વડાપ્રધાન મોદીએ X પર લખ્યું કે, 'દેશની જનતાએ સતત ત્રીજી વખત NDAમાં વિશ્વાસ વ્યક્ત કર્યો છે. ભારતના ઈતિહાસમાં આ એક અભૂતપૂર્વ ક્ષણ છે. આ પ્રેમ અને આશીર્વાદ માટે હું મારા પરિવારને નમન કરું છું. હું દેશવાસીઓને વિશ્વાસ અપાવું છું કે અમે તેમની આકાંક્ષાઓને પૂર્ણ કરવા માટે નવી ઉર્જા, નવા ઉત્સાહ અને નવા સંકલ્પો સાથે આગળ વધીશું. હું હૃદયપૂર્વક કૃતજ્ઞતા વ્યક્ત કરું છું અને તમામ કાર્યકરોને તેઓએ કરેલા સમર્પણ અને અથાક કાર્ય માટે અભિનંદન પાઠવું છું.'

   
• 06:32 PM • 04 Jun 2024
  આ લડાઈ બંધારણ બચાવવાની હતી : રાહુલ ગાંધી

  રાહુલ ગાંધીએ કહ્યું કે, આ ચૂંટણી ઈન્ડિયા ગઠબંધન અને કોંગ્રેસ પાર્ટી એક પાર્ટીની સામે નથી લડ્યા. અમે સંસ્થાઓની સામે લડ્યા. તમામ સંસ્થાઓ અમારા વિરૂદ્ધ હતી. રાહુલ ગાંધીએ કહ્યું કે, અમે આ ચૂંટણી લોકતાંત્રીક સંસ્થાઓ વિરૂદ્ધ લડ્યા કારણ કે તે તમામ પર મોદી સરકારે કબજો કરી લીધો હતો. આ લડાઈ બંધારણ બચાવવાની હતી.

  રાહુલ ગાંધીએ કહ્યું કે, જ્યારે તેમણે બેંક એકાઉન્ટ સીઝ કર્યા, પાર્ટીઓ તોડી, ત્યારે મારા માઈન્ડમાં હતું કે હિન્દુસ્તાનની જનતા એકજુટ થઈને લડશે. પોતાના બંધારણને બચાવવાનો પહેલું અને સૌથી મોટું પગલું લઈ લીધું છે. સરકાર બનાવવા અંગેની તૈયારીઓને લઈને રાહુલ ગાંધીએ કહ્યું કે, અમે કાલે ગઠબંધનના સહયોગીઓને મળવા જઈ રહ્યા છે અને પછી નિર્ણય લઈશું.
• 06:03 PM • 04 Jun 2024
  પરિણામ મોદીની વિરૂદ્ધ છે તે સ્પષ્ટ થયું : મલ્લિકાર્જુન ખડગે

  લોકસભા ચૂંટણી 2024ના વલણોમાં NDA અને INDIA ગઠબંધન વચ્ચે કાંટાની ટક્કર જોવા મળી રહી છે. વલણોમાં NDA બહુમતીનો આંકડો પાર કરી ચૂક્યું છે, પરંતુ વિપક્ષી ગઠબંધન પણ ઘણું પાછળ નથી. આ ચૂંટણીમાં INDIA ગઠબંધનની બેઠકો વધી છે. ત્યારે કોંગ્રેસ કાર્યાલય ખાતે રાષ્ટ્રીય કોંગ્રેસ અધ્યક્ષ મલ્લિકાર્જુન ખડગે અને કોંગ્રેસ નેતા રાહુલ ગાંધી પહોંચ્યા હતા. અહીં તેમણે પ્રેસ કોન્ફરન્સ યોજી હતી.

  ચૂંટણી પરિણામ અંગે મલ્લિકાર્જૂન ખડગેએ કહ્યું કે, આ મોદીની નૈતિક અને રાજનીતિક હાર છે અને આ જનતા અને લોકશાહીની જીત છે. આ લડાઈ મોદી વિરૂદ્ધ જનતાની છે. મોદીજીના વિરૂદ્ધ જનાદેશ છે. જનતાએ કોઈને પૂર્ણ બહુમત નથી આપ્યો. પરિણામ મોદીની વિરૂદ્ધ છે તે સ્પષ્ટ થયું છે. અમે વિનમ્રતાથી જનતાના મતનો સ્વીકાર કરીએ છીએ. આ પરિણામથી વિપક્ષને પ્રોત્સાહન મળ્યું છે. આ પરિણામ ભાજપના અહંકારનું પરિણામ છે. 

  ભાજપ સરકાર પર આક્ષેપ કરતા ખડગેએ કહ્યું કે, ભાજપે બંધારણિય સંસ્થાઓ પર કબજો કરવાનો પ્રયાસ કર્યો. પાર્ટીઓને દબાવવાનો પ્રયાસ કર્યો. જે ન દબાયા તેની પાર્ટીને તોડી નખાઈ.

  ગાંધી પરિવાર અંગે વાત કરતા ખડગેએ કહ્યું કે, રાહુલ ગાંધીની યાત્રા અમારો આધાર બની. સોનિયા ગાંધી, રાહુલ ગાંધી અને પ્રિયંકા ગાંધીનો આભાર. સમગ્ર દેશમાં પ્રચાર કરવા બદલ ગાંધી પરિવારનો આભાર. કરોડો કાર્યકર્તાઓનો આભાર. ઈન્ડિયા ગઠબંધનના સાથીઓનો આભાર.
   
• 05:47 PM • 04 Jun 2024
  બહેરામપુરથી યુસુફ પઠાણની જીત

  ગુજરાતી ક્રિકેટરનો પશ્ચિમ બંગાળમાં જાદૂ ચાલ્યો છે. પશ્ચિમ બંગાળના બહેરામપુરથી યુસુફ પઠાણની જીત થઈ છે. કોંગ્રેસના ઉમેદવાર અધીર રંજન ચૌધરીની આ બેઠક પરથી હાર થઈ છે.
• 05:17 PM • 04 Jun 2024
  વારાણસી બેઠક પર નરેન્દ્ર મોદીની જીત

  ઉત્તરપ્રદેશની વારાણસી બેઠક પરથી પ્રધાનમંત્રી નરેન્દ્ર મોદીની જીત થઈ છે. નરેન્દ્ર મોદી 1 લાખ 52 હજાર 513 મતથી જીત્યા છે. કોંગ્રેસના અજય રાયને મોદીએ હરાવ્યા છે.
• 04:56 PM • 04 Jun 2024
  શંકર લલવાણી, શિવરાજસિંહ અને સી.આર.પાટીલે બનાવ્યો રેકોર્ડ

  મધ્યપ્રદેશની ઈન્દોર બેઠક પર ભાજપના શંકર લલવાણીની જીત થઈ છે. શંકર લલવાણીએ દેશમાં સૌથી વધુ લીડથી જીત મેળવી છે. તેમને કુલ 12,26,751 મત મળ્યા છે. તેમણે 11,75,092 મતથી જીત મેળવી છે. તો મધ્યપ્રદેશની વિદિશાથી શિવરાજસિંહ ચૌહાણની રેકોર્ડતોડ જીત થઈ છે. શિવરાજસિંહ ચૌહાણે બીજા નંબરની લીડ મેળવી છે. 8 લાખ 20 હજાર 868 મતથી શિવરાજસિંહ જીત્યા છે. જ્યારે સી.આર.પાટીલે ત્રીજા નંબરની લીડ મેળવી છે. નવસારી બેઠક પર પાટીલની ઐતિહાસિક લીડ સાથે જીત થઈ છે. નવસારી બેઠક પર સી.આર. પાટીલે 2019માં 6,89,668 લીડ સાથે જીત મેળવી હતી. 2024માં પાટીલે પોતાની જ લીડનો રેકોર્ડ તોડી નાખ્યો છે. નવસારી બેઠક પર પાટીલે 7 લાખ 67 હજારથી વધુની લીડ મેળવી છે. એટલે કે નવસારી બેઠક પર પાટીલનો ઐતિહાસિક લીડ સાથે વિજય થયો છે.
   
• 03:23 PM • 04 Jun 2024
  જે.પી. નડ્ડાના નિવાસ સ્થાને પહોંચ્યા અમિત શાહ

  ચૂંટણી પરિણામ વચ્ચે મોટી હલચલ જોવા મળી રહી છે. અમિત શાહ ભાજપ અધ્યક્ષ જે.પી. નડ્ડાના નિવાસ સ્થાને પહોંચ્યા છે. અમિત શાહની સાથે રાજનાથ સિંહ પણ હાજર છે.
• 03:18 PM • 04 Jun 2024
  ઈન્ડિયા ગઠબંધનની આજે બેઠક

  ઈન્ડિયા ગઠબંધન આજે સાંજે બેઠક કરશે. રાહુલ ગાંધી કોંગ્રેસ હેડ ક્વાર્ટર પહોંચે તેવી શક્યતા છે.
• 03:15 PM • 04 Jun 2024
  પ્રધાનમંત્રી મોદી સાંજે 7 વાગ્યે પહોંચશે

  લોકસભા ચૂંટણીમાં NDAએ બહુમતીનો આંકડો પાર કરી લીધો છે. જો કે NDAની બેઠકો ઘટતી જોવા મળી રહી છે. NDA અત્યાર સુધી 292 બેઠકો પર આગળ છે. આ વચ્ચે, દિલ્હીમાં આજે સાંજે પાર્ટી હેડક્વાર્ટરમાં ભાજપ જીતનો જશ્ન મનાવવા જઈ રહ્યું છે. પ્રધાનમંત્રી નરેન્દ્ર મોદી ભાજપના ટોચના નેતાઓની સાથે સાંજે 7 વાગ્યે ભાજપ કાર્યાલય પહોંચશે અને પાર્ટી કાર્યકર્તાઓને સંબોધિત કરશે.
• 02:30 PM • 04 Jun 2024
  જાલંધરથી ચરણજીત સિંહ ચન્નીની જીત

  પંજાબના જાલંધરથી કોંગ્રેસના ચરણજીત સિંહ ચન્નીની જીત થઈ છે. ચન્નીને 3,90,053 મત મળ્યા છે.
• 02:26 PM • 04 Jun 2024
  બિહારની રાજનીતિને લઈને મોટા સમાચાર

  બિહારની રાજનીતિના સૌથી મોટા સમાચાર સામે આવ્યા છે. એક તરફ જેડીયૂ 14 નાયબ મુખ્યમંત્રી સમ્રાટ ચૌધરી મુખ્યમંત્રી નીતીશ કુમારને મળવા માટે તેમના નિવાસ સ્થાને પહોંચ્યા હતા. પરંતુ નીતીશ કુમાર મળ્યા ન હતા. બીજી તરફ શરદ પવારે નીતીશ કુમારને ફોન કર્યો હોવાની વાત સામે આવી રહી છે. સૂત્રો પાસેથી એવી પણ માહિતી મળી રહી છે કે, કોંગ્રેસ દ્વારા નીતીશ કુમારને નાયબ પ્રધાનમંત્રી બનાવવાની ઓફર કરવામાં આવી છે.
   
• 02:00 PM • 04 Jun 2024
  Lok sabha Election Result: INDIA બ્લોકમાં કઈ પાર્ટીને કેટલી બેઠકો પર મળી રહી છે લીડ

  કોંગ્રેસ- 97
  સપા- 35
  TMC- 32
  DMK- 21
  ઉદ્ધવ જૂથ- 11
  શરદ જૂથ- 8
  CPM- 5
  RJD- 5
  AAP- 3
  CPI- 3
  IUML-  3
  VCK- 2
  CPI (ML)- 2
  JKNC-  2
  JMM- 2
  RSP- 1
  BADVP- 1
  KC- 1
  MDMK- 1
  RLTP- 1