UPSC ની કમાન કોરોના સંકટમાં ફાળો આપનાર આ મહિલા ઓફિસરના હાથમાં, જાણો કોણ છે Preeti Sudan

Preeti Sudan UPSC New Chairperson: 1983 બેચના IAS અધિકારી અને પૂર્વ કેન્દ્રીય આરોગ્ય સચિવ પ્રીતિ સુદાનની UPSCના નવા અધ્યક્ષ તરીકે નિમણૂક કરવામાં આવી છે. એક મહિના પહેલા યુનિયન પબ્લિક સર્વિસ કમિશન (UPSC)ના અધ્યક્ષ મનોજ સોનીએ તેમનો કાર્યકાળ પૂરો થતા પહેલા જ રાજીનામું આપી દીધું હતું. પ્રીતિ સુદાન હવે 1 ઓગસ્ટથી મનોજ સોનીની જગ્યાએ ચાર્જ સંભાળશે. ચાલો જાણીએ નવી UPSC ચેરપર્સન પ્રીતિ સુદાન વિશે ખાસ વાતો.

અગાઉ ક્યાં વિભાગમાં આપી ચૂક્યા છે ફરજ

પ્રીતિ સુદાન વર્ષ 2022માં UPSC માં જોડાઈ હતી અને હવે તેને અધ્યક્ષ પદ માટે નિયુક્ત કરવામાં આવી છે. હરિયાણાની રહેવાસી પ્રીતિ સુદને વર્ષ 1983માં યુપીએસસીની પરીક્ષા પાસ કરી હતી. માત્ર UPSC જ નહીં, પ્રીતિ સુદને મહિલા અને બાળ વિકાસ અને સંરક્ષણ મંત્રાલય સિવાય ખાદ્ય અને જાહેર વિતરણ વિભાગના સચિવ તરીકે પણ કામ કર્યું છે. પ્રીતિ આંધ્રપ્રદેશ કેડરની આઈએએસ છે, 37 વર્ષના બહોળા અનુભવ સાથે, તેણી જુલાઈ 2020 માં કેન્દ્રીય આરોગ્ય સચિવ તરીકે નિવૃત્ત થઈ હતી. યુપીએસસીમાં જોડાયા બાદ તેણે ઘણા મહત્વના નિર્ણયોમાં સાચો અભિપ્રાય આપ્યો છે. તેમની કામગીરીને ધ્યાનમાં લઈને તેમને પ્રમુખ બનાવવાનો નિર્ણય લેવામાં આવ્યો છે.

ઈ-સિગારેટ પર પ્રતિબંધ માટે કાયદો લાવ્યો

પ્રીતિ સુદને મુખ્ય બેટી બચાવો, બેટી પઢાવો અભિયાન અને આયુષ્માન ભારત મિશન સિવાય નેશનલ મેડિકલ કમિશન, એલાઈડ હેલ્થ પ્રોફેશનલ કમિશનના કામમાં યોગદાન આપ્યું છે. આ સિવાય પ્રીતિ સુદાનને ઈ-સિગારેટ પર પ્રતિબંધ માટે કાયદો બનાવવાનો શ્રેય આપવામાં આવે છે. પ્રીતિ સુદાનની શૈક્ષણિક લાયકાતની વાત કરીએ તો તેણે અર્થશાસ્ત્રમાં એમ.ફિલની ડિગ્રી મેળવી છે. આ સિવાય તેણે લંડન સ્કૂલ ઓફ ઈકોનોમિક્સ એન્ડ સોશિયલ સાયન્સ LSE, લંડનમાંથી સોશિયલ સાયન્સમાં MSc કર્યું છે.

UPSC અધ્યક્ષની નિમણૂક માટેના નિયમો

UPSC ના અધ્યક્ષ અને સભ્યોની સીધી નિમણૂક રાષ્ટ્રપતિ દ્વારા કરવામાં આવે છે. આ નિમણૂક બંધારણની કલમ 316(1) હેઠળ કરવામાં આવી છે. ઓછામાં ઓછા અડધા સભ્યો ભારત સરકાર અથવા રાજ્ય હેઠળ ઓછામાં ઓછા 10 વર્ષનો અનુભવ ધરાવતા સિવિલ સર્વિસ (સેવા આપતા અથવા નિવૃત્ત) સભ્યો છે. કલમ 317 હેઠળ, ફક્ત રાષ્ટ્રપતિ જ UPSCના અધ્યક્ષ અને અન્ય સભ્યોને તેમના પદ પરથી દૂર કરી શકે છે. યુપીએસસીના સભ્યો જોડાવાની તારીખથી 6 વર્ષ સુધી અથવા તેઓ 65 વર્ષની વય (જે વહેલું હોય) સુધી પહોંચે ત્યાં સુધી તેમના પદ પર રહે છે. રાજ્ય આયોગ અથવા સંયુક્ત આયોગના સભ્યો માટે વય મર્યાદા 62 વર્ષ છે.