GSSSB Exam Result: ગૌણ સેવા પસંદગી મંડળની ભરતી પર મોટી અપડેટ, આ તારીખે આવશે પ્રિલિમનું રિઝલ્ટ

GSSSB Exam Result: ગુજરાત ગૌણ સેવા પસંદગી મંડળ દ્વારા તાજેતરમાં CCEની પરીક્ષા (CCE Exam Update ) લેવામાં આવી હતી.  વર્ગ-3ની 5554 જગ્યાઓ પર ભરતી માટે મોટી સંખ્યામાં ઉમેદવારોએ પરીક્ષા આપી હતી. જોક હવે નવી અપડેટ (CCE Exam Update) સામે આવી છે તે મુજબ આ પરીક્ષાનું પરિણામ 30 જૂન આસપાસ જાહેર થઈ શકે છે. મીડિયા રિપોર્ટ્સ મુજબ, હસમુખ પટેલે આ અંગે માહિતી આપી છે.

Junior Clerk Preliminary Exam: ક્યારે આવશે ક્લાસ-3ની પરીક્ષાનું પરિણામ?

ગૌણ સેવા પસંદગી મંડળના સચિવ હસમુખ પટેલે જણાવ્યું છે કે, ગ્રુપ A અને ગ્રુપ B માટેની સંયુક્ત પ્રિલિમ પરીક્ષાઓ 20 મેના રોજ પૂર્ણ થઈ હતી. 1લી એપ્રિલથી 20 મે સુધીના 19 દિવસોમાં 71 શિફ્ટમાં પરીક્ષા લેવાઈ હતી. 30 જૂન આસપાસ પ્રિલિમ પરીક્ષાનું પરિણામ જાહેર થઈ શકે છે. પરિણામ બાદ મેરીટમાં આવનારા ઉમેદવારી મુખ્ય પરીક્ષાનું આયોજન કરવામાં આવશે. નોંધનીય છે કે, ગૌણ સેવા પસંદગી મંડળની પરીક્ષામાં 66 ટકા ઉમેદવારો હાજર રહ્યા હતા. 

Government Jobs: સરકારી નોકરીના આ ફૉર્મ તમે ભર્યા કે બાકી છે? જોઈ લો નહીંતર સુવર્ણ તક ગુમાવી બેસશો!!

5554 જગ્યાઓ પર થઈ રહી છે ભરતી

ગૌણ સેવા પસંદગી મંડળ દ્વારા લેવાયેલી 5554 જગ્યાઓ પરની પરીક્ષામાં ગ્રુપ Aમાં 1926 અને ગ્રુપ Bમાં 3628 જગ્યાઓ પર ભરતી કરવામાં આવનાર છે. જેમાં પ્રિલિમ પરીક્ષા પૂર્ણ થઈ જતા હવે મેરિટના આધારે મુખ્ય પરીક્ષાનું આયોજન કરવામાં આવશે.