ભારતના બેટ્સમેનો તો ફ્લોપ ગયા હવે શું બોલરો રાખશે લાજ? ઓસ્ટ્રેલિયા સામે 241 રનનો લક્ષ્યાંક

World Cup 2023 Final: અમદાવાદના નરેન્દ્ર મોદી સ્ટેડિયમમાં વર્લ્ડ કપ 2023ની ફાઈનલ મેચ ભારત અને ઓસ્ટ્રેલિયા વચ્ચે રમાઈ રહી છે. ટોસ હાર્યા બાદ પહેલા બેટિંગ કરવા મેદાનમાં ઉતરેલી ભારતીય ટીમની શરૂઆત સારી રહી હતી. પરંતુ વચ્ચે વચ્ચે સતત વિકેટો પડ્યા બાદ દબાણ વધી ગયું અને આખી ટીમ માત્ર 240 રન જ બનાવી શકી છે. ત્યારે હવે સવાલએ થાય છે કે ભારતીય ટીમના બોલરો ઓસ્ટ્રેલિયાની ટીમને પેવેલિયન ભેગી કરશે? વિશ્વભરના લોકોની આ મેચ પર નજર છે.

આજની મેચની વાત કરીએ તો ભારતીય ટીમ પહેલા બેટિંગ કરવા મેદાનમાં ઉતરી હતી. આ દરમિયાન કેએલ રાહુલે 107 બોલમાં 66 રનની ધીમી ઈનિંગ રમી અને વિરાટ કોહલીએ 63 બોલમાં 54 રનની ધીમી ઈનિંગ રમી, પરંતુ ટીમને સંભાળી.