આનંદો.. સરકારના આ નિર્ણયથી હવાઈ મુસાફરી થશે સસ્તી

નવી દિલ્હી: જો તમે પ્લેનમાં મુસાફરી કરવાનું વધુ પસંદ કરી રહ્યા ચો તો તમારા માટે સરકારનો આ નિર્ણય ખૂબ જ મકહત્વ નો છે. બુધવારે સરકારે એક મોટો નિર્ણય લીધો છે. કેન્દ્ર સરકારે કોરોના મહામારી દરમિયાન સ્થાનિક એરલાઇન્સ પર લાદવામાં આવેલી એર ફેર કેપને હટાવવાની મંજૂરી આપી દીધી છે. નાગરિક ઉડ્ડયન મંત્રાલયે માહિતી શેર કરતા કહ્યું કે 31 ઓગસ્ટથી ટિકિટના ભાવ પરના નિયંત્રણો હટાવી દેવામાં આવશે.

આ હતી ફેર કેપ સિસ્ટમ
ઉડ્ડયન મંત્રાલયના જણાવ્યા અનુસાર, હવાઈ મુસાફરોની વધતી સંખ્યા અને એટીએફની કિંમતોનું વિશ્લેષણ કર્યા પછી આ નિર્ણય લેવામાં આવ્યો છે. 2020માં કોરોનાના વધતાં સંક્રમણ બાદ સરકારે એરલાઇન્સ માટે ફેર કેપ સિસ્ટમ (ફેર કેપ) લાગુ કરી. આ હેઠળ, સરકાર 15 દિવસના અંતરનું એરલાઇન્સનું લઘુત્તમ અને મહત્તમ ભાડાની બેન્ડ નક્કી કરતી હતી. એરલાઇન્સને આનાથી ઓછી કે વધુ ટિકિટની કિંમત વસૂલવાનો અધિકાર નથી.

કોરોનાના મહામારી વચ્ચે 25 મે, 2020 ના રોજ એરલાઇન્સ ફરી શરૂ થયા પછી, ઉડ્ડયન મંત્રાલયે ફ્લાઇટની અવધિના આધારે સ્થાનિક હવાઈ ભાડાની મર્યાદા નક્કી કરી હતી. આ અંતર્ગત એરલાઈન્સ 40 મિનિટથી ઓછીની ડોમેસ્ટિક ફ્લાઈટ્સ માટે 2,900 રૂપિયાથી ઓછી અને 8,800 રૂપિયાથી વધુ ચાર્જ નહીં લઈ શકે છે.

ટૂંક સમયમાં સસ્તી હવાઈ મુસાફરી થશે
હવે જ્યારે સરકારે એર ફેર કેપ સિસ્ટમ હટાવવાનો નિર્ણય લીધો છે, તો એરલાઇન્સ એર ટિકિટના ભાવમાં પોતાની રીતે વધારો અથવા વધારો કરી શકશે. એરસ્પેસમાં વધી રહેલી હરીફાઈને જોતા એમ કહેવું ખોટું નહીં હોય કે આ એર કેપ પ્રતિબંધ હટાવ્યા બાદ એરલાઈન્સમાં હરીફાઈ શરૂ થશે. યાત્રીઓ ટૂંક સમયમાં સસ્તી હવાઈ મુસાફરી કરી શકશે.

તાજેતરમાં જ પોતાની ઉડાન ભરનાર આકાસા એરના રાકેશ ઝુનઝુનવાલાએ કહ્યું હતું કે તેમની એરલાઈન સસ્તી ટિકિટો વેચી અને હવાઈ મુસાફરી કરાવશે. આ સિવાય ગો-ફર્સ્ટ એરલાઇન પણ આવો જ દાવો કરી રહી છે. આ બંને સિવાય ઘણી કંપનીઓ ગ્રાહકોને પોતાની તરફ આકર્ષવા માટે સસ્તી એર ટિકિટની રણનીતિ અપનાવી રહી છે.