SEBIની મોટી કાર્યવાહી: શેર પર 1000 ટકાના વળતરનો દાવો 12 કરોડમાં પડ્યો, જાણો સમગ્ર મામલો

Stock Market: શેરબજારમાં રિટેલ રોકાણકારોની સંખ્યામાં વધારો થવા સાથે છેતરપિંડીના કેસોમાં પણ વધારો થયો છે. બિન-અધિકૃત વ્યક્તિઓ પણ જાહેરમાં કંપનીઓના શેર અંગે પોતાનો અભિપ્રાય આપી રહ્યા છે. કેટલાક યુટ્યુબ પર વીડિયો દ્વારા રોકાણકારોને સલાહ આપી રહ્યા છે અને કેટલાક સોશિયલ મીડિયા અથવા ટેલિગ્રામ ચેનલો દ્વારા તેમના મંતવ્યો વ્યક્ત કરી રહ્યા છે. માર્કેટ રેગ્યુલેટર સેબી આવા લોકો સામે કાર્યવાહી કરી રહી છે.

સેબીનું મોટું એક્શન

રોકાણકારોના હિત અને નાણાકીય સુરક્ષા માટે સેબી વારંવાર આવા લોકો સામે પગલાં લે છે. આ ક્રમમાં, સેબીએ પ્રખ્યાત ફાઈનાન્સ ઈન્ફ્લ્યૂએન્સર રવિન્દ્ર ભારતી વિરુદ્ધ મોટી કાર્યવાહી કરી છે, જેમના 20 લાખથી વધુ ફોલોઅર્સ છે. સેબીએ રવિન્દ્ર બાલુ ભારતી પર ગેરકાયદેસર નફો કરવા બદલ 12 કરોડ રૂપિયાનો દંડ ફટકાર્યો છે.

સેબીએ બજારમાં રોકાણ પર પ્રતિબંધ મૂક્યો

સેબીએ કહ્યું કે,  ભારતીએ આ રકમ વ્યાજ ધરાવતા એસ્ક્રો એકાઉન્ટમાં જમા કરવા કહ્યું છે. આ ઉપરાંત, ભારતીની પત્ની સુભાંગીને પણ આગામી આદેશ સુધી બજારમાં રોકાણ કરવા પર પ્રતિબંધ મૂકવામાં આવ્યો છે. ભારતી 2016થી તેની પત્ની સાથે રવિન્દ્ર ભારતી એજ્યુકેશનલ ઈન્સ્ટિટ્યૂટ પ્રાઈવેટ લિમિટેડ (RBEIPL) ચલાવી રહ્યા હતા. RBEIPL કથિત રીતે "ભારતી શેર માર્કેટ" નામની વેબસાઇટ દ્વારા શેરબજાર સંબંધિત શિક્ષણ પ્રદાન કરતું હતું.

RBEIPL સામે શા માટે કાર્યવાહી કરવામાં આવી?

સેબીએ જણાવ્યું હતું કે આ સંસ્થા શેરબજારમાં નોંધણી અથવા અધિકૃતતા વિના શિક્ષણ પ્રદાન કરી રહી હતી અને તે લોકો દ્વારા ચલાવવામાં આવી રહી હતી જેઓ બજાર સાથે નોંધાયેલા નથી, જેના કારણે કાર્યવાહી કરવામાં આવી છે. સેબીએ વધુમાં જણાવ્યું હતું કે ભારતી સામે આ પગલું રોકાણકારોના હિતોનું રક્ષણ કરવા અને બજારની અખંડિતતા જાળવવા માટે લેવામાં આવ્યું છે. આ સંસ્થાઓ કથિત રીતે ઊંચા વળતરનું વચન આપતી હતી, જેમાં 1000 ટકા સુધીના વળતરની ખાતરી આપવામાં આવી હતી.

આ પણ વાંચો:- Video: આ ચાર ટીમની IPL 2024 ના પ્લેઓફમાં થશે એન્ટ્રી! અક્ષય કુમારે કરી ભવિષ્યવાણી

આ રીતે લોભ આપવામાં આવ્યો

સેબીએ જણાવ્યું હતું કે આ સંસ્થા દ્વારા રોકાણકારોને 25% થી 1000% સુધીના વળતરનો અંદાજ લગાવીને સલાહકાર સેવાઓ લેવાની લાલચ આપવામાં આવી હતી. રોકાણકારો કે જેમણે આવી સેવાઓ પસંદ કરી હતી તેઓને એક કરાર કરવાની જરૂર હતી, જેમાં રોકાણ સલાહકાર સેવાઓ પ્રદાન કરવા માટે વિગતવાર નિયમો અને શરતોનો સમાવેશ થતો હતો. રોકાણકારોએ તેમના રોકાણ પર વળતરની ચોક્કસ ટકાવારી રોકાણ સલાહકાર સેવાઓ મેળવવા માટે ફી તરીકે ચૂકવવી પડતી હતી.

(નોંધ- શેરબજારમાં કોઈપણ રોકાણ કરતા પહેલા, તમારા બજાર નિષ્ણાતોની સલાહ ચોક્કસ લો.)