Stock Market: પહેલા રેકોર્ડ... પછી કડાકો, ઇતિહાસ રચ્યા બાદ માર્કેટ ગગડ્યું...જાણો શું છે કારણ

Stock Market Update: શેરબજારમાં સતત ત્રણ દિવસનો ઉછાળો સોમવારે થંભી ગયો હતો. મજબૂત શરૂઆત અને ઈતિહાસ રચ્યા પછી, બોમ્બે સ્ટોક એક્સચેન્જનો 30 શેરો ધરાવતો સેન્સેક્સ ટ્રેડિંગના અંતે લાલ નિશાન પર બંધ થયો. નોંધનીય છે કે શરૂઆતના કામકાજમાં પણ BSE સેન્સેક્સે ઈતિહાસ રચ્યો હતો અને પહેલીવાર 77000 નો આંકડો પાર કર્યો હતો, પરંતુ જ્યારે બજાર બંધ થયું ત્યારે આ શરૂઆતી ઉછાળો અચાનક ઘટાડામાં ફેરવાઈ ગયો હતો અને સેન્સેક્સ 200ના ઘટાડા સાથે બંધ થયો હતો.

સેન્સેક્સ પ્રથમ વખત 77 હજારને પાર

PM નરેન્દ્ર મોદીએ સતત ત્રીજી વખત વડાપ્રધાન તરીકે શપથ લીધા પછી, સોમવારે શેરબજારે જોરદાર ઉછાળા સાથે પ્રથમ વખત 77,000 ની સપાટીને પાર કરી ગયો હતો. ટ્રેડિંગ દરમિયાન સેન્સેક્સ 77,079.04 ના સ્તરને સ્પર્શ્યો હતો. જો કે, બજાર બંધ થયું ત્યાં સુધીમાં તે ઘટવા લાગ્યું અને તે 203.28 પોઈન્ટ ઘટાડા સાથે 76,490.08 ના સ્તર પર બંધ થયું.

મેઘરાજાની તોફાની બેટિંગ માટે થઈ જાવ તૈયાર, અંબાલાલ પટેલની નવી નકોર આગાહી

નિફ્ટી પણ ઝડપથી ઘટ્યું

સેન્સેક્સની જેમ નેશનલ સ્ટોક એક્સચેન્જનો નિફ્ટી ઇન્ડેક્સ પણ શરૂઆતના ઉછાળાથી લપસ્યા બાદ બંધ થયો હતો. NSE નિફ્ટીએ 23,319.15 ના સ્તરે ટ્રેડિંગ શરૂ કર્યું અને 23,411.90 ના સ્તરે દિવસની ટોચે પહોંચી. પરંતુ પછી તેમાં પણ ઘટાડો શરૂ થયો અને તે 30.95 પોઈન્ટના મામૂલી ઘટાડા સાથે 23,259.20 ના સ્તરે બંધ થયો.

શેરબજારમાં ઘટાડા પાછળ આ કારણો 

જો સોમવારે શેરબજારમાં અચાનક આવેલા ઘટાડા પાછળના કારણોની વાત કરીએ તો તેમાં પ્રોફિટ બુકિંગ મહત્વની ભૂમિકા ભજવે છે, જેના કારણે વધારો ઘટાડામાં ફેરવાઈ ગયો. જો કે, જો આપણે અન્ય કારણો વિશે વાત કરીએ તો, મોદી 3.0 ના શપથ લીધા પછી, બજારની નજર હવે નાણા મંત્રાલય પર છે. જો કે, નિર્મલા સીતારમણને ફરી મોદી કેબિનેટમાં સ્થાન આપવામાં આવ્યું છે અને તેમણે શપથ પણ લઈ લીધા છે અને એવી પણ ધારણા છે કે આ વખતે પણ નિર્મલા સીતારમણને નાણા મંત્રાલયની જવાબદારી મળી શકે છે, પરંતુ જો કોઈ ફેરબદલ થાય છે અને જો કોઈ નાણા મંત્રાલયની જવાબદારી તેમના ખભા પર આપવામાં આવે છે, તો આ એક ચોંકાવનારી વાત બની શકે છે. આ સિવાય 12 જૂને યુએસ ફુગાવાના ડેટા અને યુએસ ફેડના પરિણામોનું દબાણ પણ શેરબજાર પર દેખાઈ રહ્યું છે.

આ શેર્સમાં સૌથી મોટો ઘટાડો

શેરબજારમાં ઘટાડાની વચ્ચે લાર્જ કેપ કંપનીઓમાં ટેક મહિન્દ્રાના શેર સૌથી વધુ તૂટ્યા હતા. ટેક મહિન્દ્રાનો શેર 2.72% ના ઘટાડા સાથે 1340.05 રૂપિયા પર બંધ થયો. આ સિવાય INFY શેર 2.20%, વિપ્રો શેર 1.95% ઘટીને બંધ થયો. મિડ કેપ કંપનીઓમાં સામેલ એમફેસિસ શેર 3.15%, મેક્સ હેલ્થ શેર 1.80%, LTF શેર 1.78% ઘટીને બંધ થયો. સ્મોલ કેપ કંપનીઓમાં IRB લિમિટેડનો શેર 9.05%, પૂનાવાલા શેર 8.38%, સુઝલોન એનર્જી શેર 5%, Waaree રિન્યુએબલ શેર 5%નો સમાવેશ થાય છે.

(નોંધ- શેરબજારમાં કોઈપણ રોકાણ કરતા પહેલા, તમારા બજાર નિષ્ણાતોની સલાહ ચોક્કસ લો)