RBI Rules: હોળી રમતા પહેલા જાણી લો RBI નો નિયમ, રંગબેરંગી નોટો લઈને મોટું અપડેટ

RBI Rule On Coloured Notes:  બુરા ના માનો હોલી હૈ. બજારમાં રંગબેરંગી ગુલાલ અને પીચકારીઓ જોવા મળી રહી છે અને બજારમાં ભારે ભીડ પણ જોવા મળી રહી છે. ઘણીવાર હોળી રમતી વખતે લોકોને ખિસ્સામાં પડેલા પૈસાનું ધ્યાન જ નથી રહેતું. આવી સ્થિતિમાં રંગોથી હોળી રમતી વખતે નોટ રંગબેરંગી થઈ જાય છે. આ પછી દુકાનદારો આવી નોટો લેવાથી ઈનકાર કરી દે છે. જો તમારી સાથે પણ આવું થાય તો ભારતીય રિઝર્વ બેંકનો નિયમ જરૂર જાણી લો. 

રંગ લાગેલી નોટ ન ચાલે તો શું કરવું?

જ્યારે કોઈ ઓફિસ કે કોઈ અગત્યના કામ માટે બહાર જતું હોય, ત્યારે કોઈ બાળકે કોઈ અન્ય દ્વારા રંગ નાખવામાં આવે છે. આનાથી કપડાની સાથે-સાથે ખિસ્સામાં રાખેલી નોટો પણ રંગીન થઈ જાય છે. જ્યારે વ્યક્તિ આ નોટો દુકાનદારને આપે છે, ત્યારે તે આ નોટ લેવાની ચોખ્ખી ના પાડે છે. જોકે, જ્યારે તમે તેમને ભારતીય રિઝર્વ બેંકના નિયમો જણાવશો તો તેઓ તેને લેવાનો ઈનકાર નહીં કરી શકે. આરબીઆઈના નિયમો કહે છે કે કોઈપણ દુકાનદાર રંગીન નોટો સ્વીકારવાનો ઈન્કાર કરી શકે નહીં.

આ પણ વાંચોઃ Holika Dahan 2024: 24 કે 25 માર્ચ ક્યારે થશે હોલિકા દહન?, જાણો શુભ મુહૂર્ત

પાણીથી નોટ ફાટી જાય તો શું કરવું?

હોળી દરમિયાન જો પાણી પડતાં નોટો ફાટી જાય તો તે પણ ચિંતાનો વિષય બની જાય છે. રિઝર્વ બેંક ઓફ ઈન્ડિયાના નિયમો અનુસાર દેશભરની તમામ બેંકોમાં જૂની નોટો બદલી શકાય છે. આ માટે કોઈ ફી ચૂકવવાની નથી.

આ પણ વાંચોઃ Holi 2024: હોળી પર કરો આ 5 માંથી કોઈપણ એક ઉપાય, તિજોરીમાંથી ક્યારેય નહીં ખુટે ધન

ફાટેલી નોટો આપો તો કેટલા રૂપિયા પરત મળશે?

તમને જણાવી દઈએ કે જો કોઈ ફાટેલી નોટ બેંકમાં બદલાઈ જાય છે, તો તમને તે નોટની સ્થિતિના આધારે પૈસા પાછા મળે છે. જો આપણે ઉદાહરણ દ્વારા સમજીએ તો જો તમારી 200 રૂપિયાની નોટ થોડી જ ફાટેલી છે જેમ કે નોટનો 78 ચોરસ સેન્ટિમીટર (સે.મી.)નો ભાગ એમને એમ છે અને બાકીનો ભાગ ફાટી ગયો છે તો બેંક આખી રકમ આપશે, પરંતુ જો નોટનો માત્ર 39 ચોરસ સેન્ટિમીટર (સે.મી.) જેટલો ભાગ જ હોય અને અન્ય ભાગ ફાટી ગયો હોય તો માત્ર અડધા પૈસા આપવામાં આવશે.