Breaking News: Paytmના યુઝર્સને મોટી રાહત, પ્રતિબંધ સીમામાં કરાયો વધારો

RBI extends Paytm Payments Bank service: રિઝર્વ બેંક ઓફ ઈન્ડિયા (RBI) એ Paytmને મોટી રાહત આપી છે. પેમેન્ટ બેન્ક પર લગાવેલી રોકની સમયમર્યાદા 15 દિવસ સુધી વધારવામાં આવી છે. હવે paytm payment bank પર પ્રતિબંધ મર્યાદા 29 ફેબ્રુઆરીથી થશે નહીં, પરંતુ તેને 15 દિવસ માટે લંબાવવામાં આવી છે. હવે Paytm પેમેન્ટ્સ બેંક પરનો પ્રતિબંધ 15 માર્ચ પછી લાગુ થશે. મતલબ કે Paytm વોલેટ, ફાસ્ટેગ અને ગ્રાહક ખાતામાં 15 માર્ચ 2024 સુધી ટ્રાન્ઝેક્શન કરી શકાશે. આ સાથે RBIએ Paytmને લઈને FAQ પણ જારી કર્યા છે.

શું હતો મામલો?

31 જાન્યુઆરી, 2024 ના રોજ, ભારતીય રિઝર્વ બેંક (RBI) એ એક મોટું પગલું ભર્યું અને Paytmની બેંકિંગ સેવા બંધ કરવાનો આદેશ જારી કર્યો, જે 29 ફેબ્રુઆરી, 2024 થી અમલમાં આવવાની હતી, પરંતુ હવે આ તારીખ સુધારો કરવામાં આવ્યો છે. આરબીઆઈએ 31 જાન્યુઆરીએ કહ્યું હતું કે, પેટીએમ પેમેન્ટ્સ બેંક પર નિયમનકારી પગલાં લેવામાં આવ્યા છે, જેના કારણે 29 ફેબ્રુઆરી પછી પેટીએમ પેમેન્ટ્સ બેંક ખાતામાં વ્યવહારો, પેટીએમ વોલેટ, ફાસ્ટેગ અને ટોપઅપ જેવી સેવાઓ બંધ થઈ જશે.

ગ્રાહકો માટે વિસ્તૃત સમય

સેન્ટ્રલ બેંકે કહ્યું કે તેણે Paytm પેમેન્ટ્સ બેંક લિમિટેડ પર બેંકિંગ રેગ્યુલેશન એક્ટ, 1949ની કલમ 35A હેઠળ Paytmની પેરન્ટ કંપની One97 કોમ્યુનિકેશન્સ દ્વારા સંચાલિત અમુક વ્યાવસાયિક નિયંત્રણો લાદ્યા છે. આરબીઆઈએ વધુમાં કહ્યું કે લોકોના હિતોને ધ્યાનમાં રાખીને પેટીએમ પેમેન્ટ બેંક લિમિટેડને થોડો વધુ સમય આપવામાં આવી રહ્યો છે.

અન્ય કોઈ ડિપોઝીટની મંજૂરી આપવામાં આવશે નહીં

RBI એ કહ્યું કે આ સમયગાળા દરમિયાન અન્ય કોઈ ડિપોઝિટ અથવા ક્રેડિટ ટ્રાન્ઝેક્શન અથવા ટોપ-અપને મંજૂરી આપવામાં આવશે નહીં. 15 માર્ચ, 2024 પછી ગ્રાહકોના ખાતા, પ્રીપેડ, વોલેટ, ફાસ્ટેગ, નેશનલ કોમન મોબિલિટી કાર્ડ જેવી તમામ સેવાઓ બંધ થઈ જશે.

આ સેવાઓ 15 માર્ચ પછી પણ ચાલુ રહેશે

જો કોઈ વ્યક્તિ Paytm પેમેન્ટ્સ બેંક ખાતામાં રિફંડની રાહ જોઈ રહ્યું હોય, તો 15 માર્ચ, 2024 પછી પણ ભાગીદાર બેંકો તરફથી ખાતામાં રિફંડ, કેશબેક, સ્વીપ-ઈન અથવા વ્યાજની મંજૂરી છે. ઉપરાંત, તમે 15 માર્ચ પછી પણ આ ખાતામાંથી પૈસા ઉપાડી શકો છો. વોલેટમાં જમા થયેલી રકમનો પણ ઉપયોગ કરી શકાય છે.

શું તમે વૉલેટનો ઉપયોગ કરી શકશો?

જો તમારી પાસે પેટીએમ વોલેટ છે, તો તમે તેનો ઉપયોગ 15 માર્ચ સુધી જમા રકમ પર કરી શકો છો. જો કે, 15 માર્ચ પછી થાપણોને મંજૂરી આપવામાં આવશે નહીં. ફક્ત બાકીની રકમનો ઉપયોગ કરી શકાય છે.