હવે ખિસ્સામાં ATM કાર્ડ રાખવાની જરૂર નથી, UPI દ્વારા જ કેશ ડિપોઝિટ કરી શકાશે, RBIની જાહેરાત

RBI ATM Card: ભારતીય રિઝર્વ બેંક (RBI)એ નાણાકીય વર્ષ 2025ની પ્રથમ નાણાકીય નીતિ બેઠકમાં UPIને લઈને મોટી જાહેરાત કરી છે. જો તમે UPI નો ઉપયોગ કરો છો તો તમારા માટે એક મોટી સુવિધા આવવાની છે. આ સુવિધા હેઠળ, ખૂબ જ ટૂંક સમયમાં તમે UPI નો ઉપયોગ કરીને તમારા બેંક ખાતામાં રોકડ જમા કરાવી શકશો. રિઝર્વ બેંક ઓફ ઈન્ડિયા (RBI)ના ગવર્નર શક્તિકાંત દાસે કહ્યું કે, ટૂંક સમયમાં મશીનનો ઉપયોગ UPI દ્વારા રોકડ જમા કરવા માટે થઈ શકશે.

શક્તિકાંત દાસે જણાવ્યું હતું કે, આ સેવા લોકોને મોટી સુવિધા પૂરી પાડશે. તમારે રોકડ જમા કરાવવા માટે બેંકમાં જવું પડશે નહીં. ઉપરાંત, જો બેંક તમારાથી દૂર છે, તો તમે UPI દ્વારા રોકડ જમા કરી શકશો. આ ઉપરાંત, PPI (પ્રીપેડ પેમેન્ટ ઇન્સ્ટ્રુમેન્ટ્સ) કાર્ડધારકોને ચુકવણીની સુવિધા પણ પૂરી પાડવામાં આવશે. આ લોકોને થર્ડ પાર્ટી યુપીઆઈ એપ્સ દ્વારા યુપીઆઈ પેમેન્ટ કરવાની સુવિધા આપવાનો પણ પ્રસ્તાવ મૂકવામાં આવ્યો છે.

આ પણ વાંચો: દુઃખદ બનાવઃ દાંતાની સ્કૂલમાં લગાવેલો હીંચકો બન્યો 'મોતનો હીંચકો', વીજ કરંટ લાગતા 2 સગી બહેનોના મોત

કાર્ડ રાખવાની જરૂર નથી

જો UPI દ્વારા રોકડ જમા કરવાની સુવિધા ઉપલબ્ધ આવે છે, તો તમે તમારા ખિસ્સામાં કાર્ડ રાખવાની સમસ્યામાંથી મુક્તિ મેળવી શકો છો. આ સાથે એટીએમ કાર્ડ રાખવા, ખોવાઈ જવા કે મેળવવાની સમસ્યા પણ દૂર થઈ જશે. ઉપરાંત, જો તમારું એટીએમ કાર્ડ ચોરાઈ જાય તો પણ તે બ્લોક થયા પછી પણ તમને રોકડ જમા કરાવવામાં સમસ્યાનો સામનો કરવો નહીં પડે.

તે કેવી રીતે કામ કરશે?

અત્યાર સુધી ડેબિટ કાર્ડનો ઉપયોગ રોકડ જમા કરવા અથવા ઉપાડવા માટે થતો હતો, પરંતુ જ્યારે UPIની આ સુવિધા આવશે ત્યારે તમારે ડેબિટ કાર્ડની જરૂર નહીં પડે. બહુ જલ્દી આરબીઆઈ એટીએમ મશીનો પર યુપીઆઈની આ નવી સુવિધા ઉમેરશે. આ પછી, થર્ડ પાર્ટી ઓનલાઈન પેમેન્ટ એપનો ઉપયોગ કરીને, તમે ATM મશીનમાંથી UPI દ્વારા રોકડ જમા કરાવી શકશો.

આ પણ વાંચો: કાળઝાળ ગરમી...માવઠું...વંટોળ...અંબાલાલ પટેલે ભરઉનાળે કરી 'માઠી' આગાહી, જુઓ શું કહ્યું

રેપો રેટમાં કોઈ ફેરફાર નહીં

આરબીઆઈ ગવર્નર શક્તિકાંત દાસે કહ્યું કે, નાણાકીય વર્ષ 2025ની પ્રથમ આરબીઆઈ નાણાકીય નીતિની બેઠકમાં રેપો રેટને યથાવત રાખવાનો નિર્ણય લેવામાં આવ્યો છે. સેન્ટ્રલ બેંકે સતત 7મી મોનેટરી પોલિસી (RBI મોનેટરી પોલિસી) મીટિંગમાં રેપો રેટને 6.50 ટકા પર સ્થિર રાખ્યો છે.