Business Idea: માત્ર 5000 રૂપિયાનું રોકાણ કરી શરૂ કરો આ બિઝનેસ...સરકાર પણ કરશે મદદ

Apply for Pradhan Mantri Bhartiya Janaushadhi Kendra: જો તમે પણ તમારો પોતાનો બિઝનેસ શરૂ કરવાનું વિચારી રહ્યા છો અને ઓછા બજેટમાં સારો નફાકારક બિઝનેસ કરવો છે, તો કેન્દ્ર સરકાર તમને એક મોટી તક આપી રહી છે. આના દ્વારા, તમારી આવક ખૂબ ઓછા રોકાણથી શરૂ થશે. અમે વાત કરી રહ્યા છીએ 'પ્રધાનમંત્રી ભારતીય જન ઔષધિ કેન્દ્ર' વિશે, જેની સંખ્યા દેશમાં સતત વધી રહી છે અને તમારા માટે પણ કમાણીની એક મોટી તક સાબિત થઈ શકે છે. સરકારનો ઉદ્દેશ્ય આ કેન્દ્રો દ્વારા લોકોને પોષણક્ષમ ભાવે દવાઓ ઉપલબ્ધ કરાવવાનો છે.

દેશમાં જન ઔષધિ કેન્દ્રોની સંખ્યા સતત વધી રહી છે

અત્યાર સુધીમાં દેશમાં 10,000 થી વધુ પ્રધાનમંત્રી જન ઔષધિ કેન્દ્રો (PM Janaushadhi Kendra) ખોલવામાં આવ્યા છે અને સરકાર તેમની સંખ્યા વધારવા પર ભાર આપી રહી છે. આ દવા કેન્દ્રોમાં 1800 પ્રકારની દવાઓ અને 285 તબીબી ઉપકરણો રાખવામાં આવ્યા છે. સૌથી મહત્વની વાત એ છે કે બ્રાન્ડેડ દવાઓની સરખામણીએ જન ઔષધિ કેન્દ્રો પર દવાઓ 50 થી 90 ટકા ઓછી કિંમતે ઉપલબ્ધ છે. આ માટે અરજી કરવાની પ્રક્રિયા પણ ખૂબ જ સરળ છે.

RCB vs CSK: ધોનીની સૌથી લાંબી સિક્સ જ ચેન્નાઈની હારનું કારણ બની? જાણો કેવી રીતે RCB એ બાજી પલટી

માત્ર 5,000 રૂપિયામાં તમે અરજી કરી શકો છો

પીએમ જન ઔષધિ કેન્દ્ર ખોલવા માટે તમારે અરજી કરવી પડશે, જેની ફી 5,000 રૂપિયા છે. અહીં ધ્યાનમાં રાખો કે આ કેન્દ્રો ખોલવા માટે, અરજદાર પાસે ડી. ફાર્મા અથવા બી. ફાર્માનું પ્રમાણપત્ર હોવું જરૂરી છે. આ ઉપરાંત, તમારી પાસે કેન્દ્ર ખોલવા માટે પૂરતી જગ્યા હોવી જોઈએ, જેનું ક્ષેત્રફળ લગભગ 120 ચોરસ ફૂટ નક્કી કરવામાં આવ્યું છે. અરજી પ્રક્રિયા દરમિયાન, વિશેષ શ્રેણી અને વિશેષ વિસ્તારના અરજદારો માટે ફીમાં મુક્તિ માટેની જોગવાઈ પણ કરવામાં આવી છે.

કેન્દ્ર સરકાર આ રીતે મદદ કરે છે

પ્રધાનમંત્રી જન ઔષધિ કેન્દ્ર ખોલ્યા બાદ સરકાર દ્વારા પ્રોત્સાહક રકમના રૂપમાં આર્થિક મદદ આપવામાં આવે છે. કેન્દ્રમાં 5 લાખ રૂપિયા અથવા વધુમાં વધુ 15,000 રૂપિયા સુધીની દવાઓની માસિક ખરીદી પર 15 ટકા પ્રોત્સાહન આપવાનો નિયમ બનાવવામાં આવ્યો છે. વિશેષ શ્રેણીઓ અથવા ક્ષેત્રોમાં માળખાગત ખર્ચ માટે વળતર તરીકે સરકાર દ્વારા વધારાના પ્રોત્સાહન તરીકે રૂ. 2 લાખની એક સામટી રકમ આપવામાં આવે છે.