Mukesh Ambani Guest: અનંત-રાધિકાના લગ્નમાં આ દિગ્ગજ નેતાઓ રહેશે હાજર, વિદેશી મહેમાનો પ્રસંગની શોભા વધારશે

Mukesh Ambani Guest: એશિયાના સૌથી ધનિક વ્યક્તિ મુકેશ અંબાણી (Mukesh Ambani)ના પુત્ર અનંત અંબાણી રાધિકા મર્ચન્ટ સાથે 12 જુલાઈએ (Anant-Radhika Wedding) લગ્નના બંધનમાં બંધાવા જઈ રહ્યા છે. આ દરમિયાન મુકેશ અંબાણી દ્વારા આમંત્રિત કરવામાં આવેલા મહેમાનોની યાદી પણ સામે આવી ગઈ છે,  જે મુજબ અંબાણી પરિવારના આ પ્રસંગમાં બોલિવૂડથી લઈને રાજકીય જગતની દિગ્ગજ હસ્તીઓનો જમાવડો  લાગશે. આ સિવાય વિદેશથી પણ મહેમાનો અંબાણી પરિવારના પ્રસંગમાં હાજરી આપશે. 

ઠાકરેથી લઈને એકનાથ શિંદે સુધીના નેતા આવશે!

અનંત-રાધિકા (Anant-Radhika Wedding)ના લગ્ન માટે માત્ર બોલિવૂડ સ્ટાર્સને જ નહીં પરંતુ રાજકીય જગતની મોટી હસ્તીઓને પણ આમંત્રણ મોકલવામાં આવ્યું છે. રિપોર્ટમાં જણાવવામાં આવ્યું છે કે અનંત-રાધિકાને આશીર્વાદ આપવા માટે ઠાકરે પરિવાર ઉપરાંત દેવેન્દ્ર ફડણવીસ (Devendra Fadnavis) અને મહારાષ્ટ્રના સીએમ એકનાથ શિંદે  (Eknaath Shinde)ને આમંત્રણ આપવામાં આવ્યું છે. આ સિવાય પક્ષ અને વિપક્ષના તમામ નેતાઓને પણ આમંત્રણ મોકલવામાં આવ્યું છે. 

વિદેશી મહેમાનોમાં આ મોટા નામ સામેલ

રિલાયન્સ ઈન્ડસ્ટ્રીઝના ચેરમેન મુકેશ અંબાણીની ગેસ્ટ લિસ્ટ (Mukesh Ambani Guest List)માં બોલિવૂડ, બિઝનેસ સેક્ટર, સ્પોર્ટ્સ અને પોલિટિકલ સેક્ટર સહિત અનેક ઈન્ટરનેશનલ સેલિબ્રિટીનો સમાવેશ થાય છે. જો અંબાણી પરિવારના વિદેશી મહેમાનોની વાત કરીએ તો ફૂટબોલર ડેવિડ બેકહામ અને તેમના પત્ની વિક્ટોરિયા બેકહામ અંબાણીના વિદેશી મહેમાનોની યાદીમાં છે. લગ્નમાં હાજરી આપવા માટે કેનેડિયન રેપર અને સિંગર ડ્રેક, અમેરિકન સિંગર્સ લાના ડેલ રે અને એડેલ મુંબઈ પહોંચી શકે છે.

રિપોર્ટ અનુસાર અંબાણી વતી અમેરિકન રિયાલિટી સ્ટાર કિમ કાર્દાશિયનના મેકઅપ આર્ટિસ્ટ મારિયો ડેડિવાનોવિક, યુએસ ટિકટોકર અને કન્ટેન્ટ ક્રિએટર જુલિયા ચાફે અને હેર સ્ટાઈલિસ્ટ ક્રિસ એપલટનને પણ અનંત અંબાણી અને રાધિકા મર્ચન્ટના લગ્નના આમંત્રણ મોકલવામાં આવ્યા છે.

બોલિવૂડના આ દિગ્ગજોને આમંત્રણ

બિઝનેસ ટુડેના રિપોર્ટ અનુસાર, જો આપણે અંબાણી પરિવારના ગેસ્ટ લિસ્ટ પર નજર કરીએ તો તેમાં અનંત અંબાણી-રાધિકા મર્ચન્ટના લગ્નમાં અમિતાભ બચ્ચનથી લઈને કિમ કાર્દશિયનના મેકઅપ આર્ટિસ્ટ સુધી બધા સામેલ છે. આ સિવાય શાહરૂખ ખાન, સલમાન ખાન, આમિર ખાન, રણબીર કપૂર, આલિયા ભટ્ટ, અર્જુન કપૂર, જાહ્નવી કપૂર, સિદ્ધાર્થ મલ્હોત્રા, કિયારા અડવાણી, શાહિદ કપૂર, વિકી કૌશલ સહિતની બૉલીવુડની સેલિબ્રિટીઓ આ ભવ્ય ફંક્શનમાં આવશે.

12 જુલાઈએ યોજાશે લગ્ન

નોંધનીય છે કે, અનંત રાધિકાની હલ્દી સેરેમની 8 જુલાઈએ થઈ હતી, જેમાં સલમાન ખાન, રણવીર સિંહ, સારા અલી ખાન, અનન્યા પાંડે અને અન્ય સેલિબ્રિટીઓએ હાજરી આપી હતી. અનંત-રાધિકાના લગ્ન 12 જુલાઈએ Jio વર્લ્ડ કન્વેન્શન સેન્ટરમાં યોજાશે, તે ત્રણ દિવસ સુધી ચાલશે. મુકેશ અંબાણીએ આ ભવ્ય વેડિંગ ફંક્શનની યાદગાર પળોને કેપ્ચર કરવા માટે લોસ એન્જલસથી ટોપ લેવલના ફોટોગ્રાફર્સ અને કેમેરા પર્સનને બોલાવ્યા છે.