Jio યુઝર્સને ગિફ્ટ, OTT સબ્સ્ક્રિપ્શન સાથે 3 નવા પ્લાન લોન્ચ કરાયા, જાણો કિંમત

Jio New Recharge Plans: રિલાયન્સ Jioએ તેના ગ્રાહકો માટે ત્રણ નવા પ્રીપેડ પ્લાન રજૂ કર્યા છે. જે અંતર્ગત યુઝર્સને અનલિમિટેડ કોલિંગની સાથે સાથે ડેટાનો પણ લાભ મળશે. એક એવો પ્લાન છે જેમાં ડેટા પેક ખતમ થઈ ગયા પછી પણ અમર્યાદિત 5G ડેટા મેળવી શકાય છે. ચાલો જાણીએ તેમની કિંમત અને ફાયદા.

વાસ્તવમાં, કંપનીએ ટેરિફમાં વધારો કર્યા પછી ઘણા પ્લાન બંધ કરી દીધા છે, પરંતુ હવે કંપનીએ OTT બંડલ સાથે ત્રણ નવા પ્લાન લોન્ચ કર્યા છે. જેમાં 329 રૂપિયા, 949 રૂપિયા અને 1049 રૂપિયાના પ્લાન સામેલ કરવામાં આવ્યા છે. તમને જણાવી દઈએ કે, આ પ્રીપેડ પ્લાન્સમાં તમને ઘણી OTT એપ્સનું ફ્રી સબસ્ક્રિપ્શન પણ મળી રહ્યું છે.

329 રૂપિયાનો પ્રીપેડ પ્લાન

Jioનો આ પ્રીપેડ પ્લાન 28 દિવસની વેલિડિટી સાથે આવે છે. આ પ્લાનમાં યુઝર્સને અમર્યાદિત વૉઇસ કૉલિંગ, દરરોજ 100 SMS, 1.5GB દૈનિક ડેટા સાથે JioSaavn Proનો લાભ મળી રહ્યો છે. જો કે, Jio Saavn Pro સબસ્ક્રિપ્શન એક્ટિવેટ કરવા માટે, ગ્રાહકોએ Jio Saavn એપમાં લોગિન કરવું પડશે.

949 રૂપિયાનો પ્રીપેડ પ્લાન

Jioનો આ પ્રીપેડ પ્લાન 84 દિવસની વેલિડિટી સાથે આવી રહ્યો છે. આમાં દરરોજ 2GB ડેટા, અનલિમિટેડ વૉઇસ કૉલિંગ અને 100 SMS મળે છે. આ સાથે યુઝર્સને 5G વેલકમ ઓફરનો લાભ લેવાની સુવિધા પણ મળી રહી છે. આ પ્લાન 90 દિવસ માટે Disney+Hotstar Mobile, Jio TV, Jio Cinema અને Jio Cloud લાભો ઓફર કરે છે.

1049 રૂપિયાનો પ્રીપેડ પ્લાન 

આ પ્લાન તે લોકો માટે શ્રેષ્ઠ રહેશે જેઓ OTT સબ્સ્ક્રિપ્શન સાથે પ્લાન શોધી રહ્યા છે. Jioના આ લેટેસ્ટ પ્લાનમાં તમને OTT લાભો સાથે દરરોજ 2GB ડેટા, અમર્યાદિત વૉઇસ કૉલિંગ અને 84 દિવસની વેલિડિટી સાથે 100 SMS મળશે. આ પ્લાનમાં Sony Liv, Zee5, Jio Tv, Jio Cinema અને Jio Cloud લાભો ઓફર કરે છે.