FD ના ટૂંકા ગાળાના રોકાણકારો માટે માઠા સમાચાર! હવે નહીં મળે સારું રિટર્ન; જાણો કારણ

FD Interest Rates: ફિક્સ્ડ ડિપોઝિટ (FD)માં રોકાણ કરનારાઓ માટે ખરાબ સમાચાર છે. સરકાર FDના વ્યાજ દરમાં ઘટાડો કરી શકે છે. જો કે, આ કપાત ટૂંકા ગાળા (એક કે બે વર્ષ) માટે રોકાણ કરનારાઓ માટે હશે. લાંબા ગાળા માટે રોકાણ કરનારાઓને આની અસર નહીં થાય. અત્યાર સુધી એવા ઘણા રોકાણકારો છે જેઓ ટૂંકા ગાળા માટે એટલે કે એક કે બે વર્ષ માટે FD કરે છે. તેમાં નિમ્ન મધ્યમ વર્ગનો મોટો વર્ગ છે. છેલ્લા કેટલાક વર્ષોમાં, ઘણા બધા લોકો ટૂંકા ગાળા માટે FDમાં રોકાણ કરે છે. જો તેમના વ્યાજ દરો પર કાતર ચાલશે તો તેનાથી ટૂંકા ગાળાના રોકાણકારોને ભારે નુકસાન થશે.

FDના વ્યાજદરમાં ઘટાડો થશે

રિઝર્વ બેંક (RBI) એ રેપો રેટમાં કોઈ ફેરફાર કર્યો નથી. ટાઈમ્સ ઓફ ઈન્ડિયાના રિપોર્ટ અનુસાર, એવી અપેક્ષા છે કે રિઝર્વ બેંક વ્યાજ દરોમાં ઘટાડો કરવાનું શરૂ કરે તે પહેલા અંતિમ વિરામ હશે. આવી સ્થિતિમાં બેંકો ધીમે ધીમે FDના વ્યાજ દરોમાં ઘટાડો કરી શકે છે. તમને જણાવી દઈએ કે હાલમાં FD સૌથી વધુ લોકપ્રિય છે કારણ કે તેમાં વ્યાજ દરો પહેલાની સરખામણીમાં વધી ગયા છે. જો બેંકો વ્યાજદર ઘટાડશે તો લોકોને પહેલા કરતા વધુ નફો નહી મળે અને તેમાં વ્યાજ ઘટવા લાગશે.

પોલિસી રેટમાં ઘટાડો

લેડરૃપ વેલ્થ મેનેજમેન્ટ પ્રાઈવેટ લિમિટેડના એમડી રાઘવેન્દ્ર નાથે જણાવ્યું હતું કે લવચીક આર્થિક વૃદ્ધિને જોતા, રિઝર્વ બેંક સૌપ્રથમ ફુગાવો 4% લક્ષ્યાંકથી નીચે આવે તેની રાહ જોશે. આ પછી જ એફડીના વ્યાજ દરમાં ઘટાડા પર વિચાર કરવામાં આવશે. જોકે પોલિસી રેટમાં ઘટાડો ટૂંક સમયમાં શરૂ થઈ શકે છે, પરંતુ બેન્કોને તેમના એફડી દર ઘટાડવામાં થોડો સમય લાગી શકે છે.

અસર એક વર્ષમાં જોવા મળશે

Bankbazaar.comના CEO આદિલ શેટ્ટી કહે છે કે ફિક્સ્ડ ડિપોઝિટના દરમાં વધારો થવાની શક્યતા છે, કારણ કે કેટલીક બેંકોએ તાજેતરમાં જ વધારાની જાહેરાત કરી છે. અત્રે નોંધનીય બાબત એ છે કે નજીકના ભવિષ્યમાં FDના દરમાં કોઈ નોંધપાત્ર ઘટાડો ન થાય તો પણ વ્યાજદરમાં ઘટાડાનું ચક્ર શરૂ થઈ ગયું છે. આગામી 9 થી 12 મહિનામાં વ્યાજ દરોમાં ઘણી વખત ઘટાડો થઈ શકે છે.

FDમાં આ રીતે રોકાણ કરો

હવે FDમાં રોકાણ કરવાની રીત બદલવી પડશે. તમારા ફંડનો એક હિસ્સો ટૂંકાથી મધ્યમ ગાળાની એફડીમાં રાખો. લાંબા ગાળાની એફડીમાં તમારા પોર્ટફોલિયોના મોટા ભાગનું રોકાણ કરો. તેનાથી FD પર વધુ વ્યાજ મળશે અને રોકાણની રકમ વધશે.