Adani-NDTV: આવકવેરા વિભાગે જણાવ્યું ‘વોરંટનો ઉપયોગ કરવા પર કોઈ પ્રતિબંધ નથી’, RRPRનો દાવો ફગાવાયો

દિલ્હીઃ આવકવેરા વિભાગે કહ્યું છે કે એનડીટીવીની પ્રમોટર ગ્રૂપ ફર્મ આરઆરપીઆર હોલ્ડિંગને તેને આપવામાં આવેલા વોરંટને ઈક્વિટી શેરમાં કન્વર્ટ કરવા માટે વીસીપીએલ તરફથી ગ્રીન સિગ્નલ મળવાની જરૂર નથી. શુક્રવારે આવકવેરા વિભાગ દ્વારા આ સૂચના જારી કરવામાં આવી છે. VCPL (વિશ્વપ્રધાન કોમર્શિયલ પ્રાઇવેટ લિમિટેડ)એ અદાણી એન્ટરપ્રાઇઝિસની પેટાકંપની છે. જેમના વતી તાજેતરમાં RRPR તરફથી મળેલા વોરંટને ઈક્વિટી શેરમાં કન્વર્ટ કરવાનું કહેવામાં આવ્યું હતું.

23 ઓગસ્ટના દિવસે VCPAL દ્વારા RRPR હોલ્ડિંગને એક નોટિસ મોકલવામાં આવી હતી જેમાં જણાવ્યું હતું કે તે વર્ષ 2009માં તેના દ્વારા જાહેર કરાયેલા વોરંટને ઈક્વિટી શેરમાં રૂપાંતરિત કરી રહી છે. જે પછી RRPR પર તેમનું 99.5% ટકા નિયંત્રણ રહેશે.

સ્ટોક એક્સચેન્જને મોકલવામાં આવેલી નવી સૂચનામાં, VCPLએ કહ્યું કે તેણે આવકવેરા વિભાગને આ સંબંધમાં સ્થિતિ સ્પષ્ટ કરવા કહ્યું છે. એવું કહેવામાં આવી રહ્યું છે કે આવકવેરા વિભાગે તેના જવાબમાં કહ્યું છે કે આરઆરપીઆર પર વોરંટને ઇક્વિટી શેરમાં રૂપાંતરિત કરવાના મામલામાં તેના તરફથી કોઈ પ્રતિબંધ લાદવામાં આવ્યો નથી. આ નોટિફિકેશન એડિશનલ કમિશનર ઓફ ઈન્કમ ટેક્સ દ્વારા બહાર પાડવામાં આવ્યું છે.

અદાણી એન્ટરપ્રાઇઝિસે દાવો ફગાવી દીધો
તમને જણાવી દઈએ કે ગયા સપ્તાહે RRPRએ કહ્યું હતું કે તેના દ્વારા જારી કરાયેલા વોરંટનો ઉપયોગ કરવા માટે તેને આવકવેરા વિભાગની પરવાનગીની જરૂર પડશે, જે ઇક્વિટી શેરના રૂપમાં 29.18% છે. ત્યારબાદ, અદાણી એન્ટરપ્રાઇઝિસે RRPR હોલ્ડિંગ દ્વારા કરાયેલા દાવાને ફગાવી દીધો હતો કે આ દાવાઓ મેરિટ આધારિત કે કાયદા આધારિત નથી. તેમના તરફથી આ ખોટું કહેવામાં આવી રહ્યું છે.

એક્સચેન્જ ફાઇલિંગ દરમિયાન, કંપની દ્વારા કહેવામાં આવ્યું હતું કે 281B હેઠળ જારી કરાયેલ આવકવેરા વિભાગનો આદેશ ફક્ત NDTVના તે શેર્સ માટે છે જે RRPR પાસે છે. તે RRPR દ્વારા VCPLને ઇક્વિટી શેર્સમાં રૂપાંતરિત કરવાની ઔપચારિક પ્રક્રિયાને અવરોધતું નથી.