‘યે રિશ્તા ક્યા કહેલાતા હૈ?’ નવસારીમાં ભજન સંધ્યામાં PSI પર બુટલેગરોએ કર્યો નોટોનો વરસાદ

વિગતો મુજબ, નવસારીમાં સાંઈ મંદિરમાં ભજન સંધ્યાનું આયોજન કરવામાં આવ્યું હતું. કાર્યક્રમમાં સુરત શહેરના ટ્રાફિક PSI એસ.એફ ગોસ્વામી હાજર હતા. જેમની સાથે સ્ટેજ પર બે લિસ્ટેડ બુટલેગર પણ લાલો અને દીપક ઉર્ફે કાલે બાબા પણ હાજર હતા જેમણે પોલીસ પર જ નોટોનો વરસાદ કર્યો હતો. સ્ટેજ પર બુટલેગર સાથે ખાખી વરદીમાં PSIનો વીડિયો વાઈરલ થતા પોલીસ અને બુટલેગર વચ્ચેની મિત્રતા પર અનેક સવાલો ઉઠી રહ્યા છે.

નવસારીમાં PSI સાથે સ્ટેજ પર બુટલેગરો હાજર, નોટોનો પણ વરસાદ થયો#Navsari #Police pic.twitter.com/KwM7hZSIs7

— Gujarat Tak (@GujaratTak) August 25, 2023

નવસારી રેલવે સ્ટેશન પાસે સાંઈ મંદિરમાં ભજન સંધ્યામાં ગુજરાતી કલાકાર અપેક્ષા પંડ્યાનો ભજન કાર્યક્રમ રાખવામાં આવ્યો હતો. જેમાં સુરતના PSI પહોંચ્યા હતા. ખાસ વાત એ છે કે PSI પહેલા નવસારીમાં ફરજ પર તહેનાત હતા. આ રીતે જાહેરમાં પોલીસ અને બુટલેગરના વીડિયો વાઈરલ અનેક સવાલ ઉઠી રહ્યા છે.