બનાસકાંઠામાં કૃષિ વિભાગના દરોડાઃ ડુપ્લીકેટ બિયારણ અને જંતુનાશક દવાઓ વેચતા વેપારીઓમાં ફફડાટ

બનાસકાંઠાઃ ગુજરાતમાં નકલી ચીજોના બજાર ધમધમી ઉઠ્યા છે. જે વસ્તુ લો તેનું ક્યાંકને ક્યાંક નકલી બનતુ થઈ ગયું છે. હાલમાં જ નકલી દૂધ, નકલી પનીર, નકલી બિયારણની બુમો ઉઠી રહી છે ત્યારે ખરેખરમાં જ્યારે કૃષિ વિભાગે બનાસકાંઠામાં કાર્યવાહી હાથ ધરી ત્યારે ડુપ્લીકેટ બિયારણનો મોટો જથ્થો હાથ લાગ્યો છે. આ ઉપરાંત કેટલીક જતુનાશક દવાનોએ પણ વિભાગના અધિકારીઓ દ્વારા જપ્ત કરવામાં આવી છે. 307 ડિલર્સને ત્યાં સેમ્પલ પરીક્ષણો કરવામાં આવ્યા છે. તપાસ હાથ ધરવામાં આવતા અચાનક બનાસકાંઠાનો માહોલ જ અલગ બની ગયો હતો. કૃષિ ઉત્પાદનો સાથે જોડાયેલાઓ પૈકીના ગોરખધંધાઓ કરતા શખ્સોમાં આ કારણે ફફડાટ ફેલાયો હતો.