MLA Cricket LEAGUE માં પ્રથમ મેચમાં બનાસે મારી બાજી, જુઓ વિશ્વામિત્રીની ટપોટપ વિકેટો ખેરવી

ગાંધીનગર સેક્ટર 21 ખાતે આયોજન
કોબા ખાતે બનાવવામાં આવેલા નવા ક્રિકેટ સ્ટેડિમય ખાતે ‘સ્વર્ણિમ ગુજરાત MLA ક્રિકેટ લીગ 2022-23’નું આયોજન કરવામાં આવ્યું છે. જેના અંતર્ગત 20,27 અને 28 તારીખે મેચનું આયોજન કરવામાં આવ્યું હતું. જેના અંતર્ગત આજે પહેલી મેચ બનાસ અને વિશ્વામિત્રી વચ્ચે હતી. આજે ટોસ ઉછાળીને વિશ્વામિત્રીએ પ્રથમ બેટિંગ લેતા 83 રન બનાવ્યા હતા. આ સરળ ટાર્ગેટને બનાસની ટીમે સરળતાથી કોઇ વિકેટ ગુમાવ્યા વગર જ પ્રાપ્ત કરી લીધો હતો. અત્રે ઉલ્લેખનીય છે કે, વિધાનસભાના ઇતિહાસમાં પહેલીવાર આજે ગાંધીનગરના ક્રિકેટ મેદાનમાં ધારાસભ્યો ચોગ્ગા અને છગ્ગા ફટકારતા જોવા મળ્યા હતા.

ધારાસભ્યો અને પત્રકારો વચ્ચે મેચનું આયોજન
ધારાસભ્યોની ટીમમાં વિધાનસભાના અધિકારી અને કર્મચારીઓ પણ જોડાયા છે. આ ક્રિકેટ ટુર્નામેન્ટ માટે ધારાસભ્યોની 9 ટીમો બનાવવામાં આવી છે. ધારાસભ્યોની આ ક્રિકેટ ટુર્નામેન્ટમાં ટીમના નામ ગુજરાતની મુખ્યનદીઓના નામ પરથી લેવામાં આવ્યા હતા. આ ટુર્નામેન્ટની શરૂઆત આજથી શરૂ કરાઈ છે ફાઇનલ મેચ 28 માર્ચે રાત્રે 10.00 વાગ્યે આયોજીત થશે.