સુરતમાં મહિલાએ જ્વેલર્સની દુકાનમાં કારીગરોનું ધ્યાન ભટકાવી દાગીના સેરવી લીધા, CCTVમાં કેદ થઈ ચોરી

સોનાના ઘરેણાની ચોરી..
પ્રાપ્ત થતી માહિતી પ્રમાણે સુરતની નામાંકિત જ્વેલર્સની દુકાનામાં એક મહિલા ક્લાયન્ટ આવી હતી. તેણે ઘરેણા જોવા મંગાવ્યા હતા અને પછી એકપછી એક જોવાનું શરૂ કરી દીધું હતું. કારીગરનું ધ્યાન ભંગ થતાની સાથે જ મહિલા ક્લાયન્ટે 22 કેરેટની 14.260 ગ્રામની 75 હજારની બંગડીની ચોરી કરી લીધી હતી. આ સમગ્ર ઘટનાક્રમની સીસીટીવી ફૂટેજ અત્યારે સામે આવી છે.

સુરતમાં ગ્રાહકના શ્વાંગમાં આવેલી મહિલાએ સોનાના દાગીના સેરવી લીધા, સીસીટીવી ફૂટેજ સામે આવ્યા#Surat #theft #Crimenews pic.twitter.com/qymanynZGo

— Gujarat Tak (@GujaratTak) January 4, 2023

પોલીસે તપાસ આદરી
ક્લાયન્ટ બનીને આવેલી મહિલાએ આ પ્રમાણે ચોરી કરતા ચકચાર મચી ગઈ છે. જેને લઈને જ્વેલર્સે પોલીસ સ્ટેશનમાં FIR નોંધી દીધી છે. પોલીસે તપાસ શરૂ કરી દીધી છે. અજાણી મહિલા વિરૂદ્ધ ફરિયાદ દાખલ કરી દેવામાં આવી છે.