આણંદથી રાજસ્થાન જઈ રહેલી જાનૈયાની બસમાં આગ ભભૂકી ઉઠી, લોકોનો જીવ તાળવે ચોંટયા

ગુજરાતથી જાનૈયાને લઇ ને રાજસ્થાન જઈ રહેલી ખાનગી બસમાં આગ લાગવાની ઘટનાને લઈ મહુધા અને નડિયાદ ફાયર બ્રિગેડની ટીમ ઘટના સ્થળે પહોંચી હતી. આગ પર કાબુ મેળવવાની કામગીરી હાથ ધરી હતી. જોકે લક્ઝરી બસમાં આગ કેવી રીતે લાગી તે હજુ જાણી શકાયું નથી.

આણંદ થી રાજસ્થાન જઈ રહી હતી જાન
આણંદ જીલ્લાના બેડવા ગામથી જાનૈયાઓને ખાનગી ટ્રાવેલ્સની લક્ઝરી બસ લઈને રાજસ્થાનના કાંકરોલી જઈ રહી હતી. આ લક્ઝરી બસમાં આશરે 50 જેટલા મુસાફરો સવાર હતા. જોકે આ લક્ઝરી બસ ખેડા જિલ્લાના મહુધા તાલુકાના ચૂણેલ અલીણા રોડ પરથી પસાર થઈ રહી હતી દરમિયાન એકાએક લક્ઝરી બસમાં આગ લાગવાની ઘટના બનતા તોફરીનો માહોલ સર્જાયો હતો.

આગ લગવાનું કારણ અકબંધ
જોકે ડ્રાઇવર અને મુસાફરોની સમય સૂચકતાને લઈને બસમાં આગ ફેલાય તે પહેલા જ તમામ મુસાફરો બસમાંથી બહાર નીકળી ગયા હતા. અને પોતાનો જીવ બચાવ્યો હતો. ઘટનાની જાણ મહુધા તેમજ નડિયાદ ફાયર બ્રિગેડની ટીમને થતા તાત્કાલિક ફાયર બ્રિગેડની ટીમ ઘટના સ્થળે પહોંચી અને લક્ઝરી બસમાં લાગેલ આગ પર કાબુ મેળવવાનો પ્રયાસો હાથ ધર્યા હતા. મહત્વનું છે કે આ લક્ઝરી બસમાં આગ કેવી રીતે લાગી તે હાલ જાણી શકાયું નથી. જોકે, આ બસમાં સવાર તમામ લોકો સહી સલામત હોવાથી લોકોએ રાહતનો શ્વાસ લીધો હતો. પરંતુ આ ઘટનામાં લક્ઝરી બસ બળીને થાક થઈ ગઈ છે જેને લઈને જાનૈયાઓને હવે સમયસર રાજસ્થાન પહોંચવું મુશ્કેલ પડી જશે.

આ પણ વાંચો: કચ્છનો રણોત્સવ સંપન્ન, જાણો આ વર્ષે રણોત્સવથી તંત્રને કેટલો થયો ફાયદો

જાણો શું કહ્યું ફાયર વિભાગના કર્મચારીએ
મહુધા ફાયર વિભાગના કર્મચારીના જણાવ્યા અનુસાર, “આ લક્ઝરીમાં આગ લાગી હતી, જેનો અમને કોલ મળ્યો અને જાણ થઈ એટલે અમે તરત જ ઘટના સ્થળે પહોંચ્યા અને લક્ઝરી બસમાં લાગેલ આગ પર કાબુ મેળવ્યો. લક્ઝરી બળીને ખાક થઈ ગઈ છે.આ ઘટનામાં કોઈ જાનહાની થઈ નથી.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…